Պապիկյան. Համայնքների խոշորացման գործընթացը 2021-ին ամբողջությամբ կավարտվի 23 դեկտեմբերի 2019 - 17:40 AMT PanARMENIAN.Net - 2021 թվականին ամբողջությամբ կավարտվի համայնքների խոշորացման գործընթացը: Այդ մասին այսօր լրագրողների հետ հանդիպման ժամանակ ասաց ՀՀ տարածքային կառավարման և ենթակառուցվածքների նախարար Սուրեն Պապիկյանը: Նախարարը նշել է, որ սուբվենցիոն ծրագրերից ավելի շատ կարողանում են օգտվել խոշոր և խոշորացված համայնքները, իսկ փոքր համայնքներն, ըստ նրա, ի վիճակի չեն այդ ծրագրերից օգտվել, հայտնում է Panorama.am-ը: Սուրեն Պապիկյանի խոսքով՝ խոշոր համայնքներն աչքի են ընկնում նաև կազմակերպական դրական միտումով: «Մենք կարծում ենք, որ համայնքների հետագա խոշորացումը մեր կառավարության առաջիկա անելիքների մեջ է: 2020 թվականին խոշորացումները լինելու են ըստ իրավիճակի: Այսինքն` եթե կունենանք համայնքներ, որտեղ կստեղծվեն իրավիճակներ, ինչպես օրինակ ստեղծվել է Իջևան համայնքում, մենք կխոշորացնենք այդ համայնքները»,-ասել է նախարարը։ Նախարարը նշել է, որ այդ ուղղությամբ նաև օրենսդրական փոփոխություններ են իրականացնում։ Վերջինը, ըստ նրա, տեղական հանրաքվեների ինստիտուտի վերափոխումն էր, երբ համայնքներին խորհրդատվական ձայնի հնարավորություն է տրվում, որ նրանք կարողանան իրենց ձայնը հանրաքվեի միջոցով լսելի դարձնել: Սուրեն Պապիկյանը նաև ասել է, որ առաջիկայում հանրային քննարկման կդրվի հանրապետության բոլոր խոշոր և խոշորացված համայնքերում համամասնական ընտրակարգի ներդրման հարցը։ ՀՀ տարածքային կառավարման և ենթակառուցվածքների նախարար Սուրեն Պապիկյանը լրագրողների հետ հանդիպմանը հայտարարել է նաև, որ Մեղրին կգազաֆիկացվի:«Մեղրիի գազաֆիկացման համար պատրաստ ենք տրամադրել գումար: Համայնքի կողմից և որոշակի ֆինանսներ տրամադրած սուբյեկտի կողմից իրականացվել է նախագիծը: Կառավարությունը պատրաստակամություն հայտնել է, տարեվերջին այդ գումարի փոխանցումը կկատարենք, Մեղրին կգազաֆիկացվի: Ուղղակի ֆիզիկապես միանգամից հնարավոր չէ ամեն ինչ անել»,- ասել է նա:   Ուշագրավ Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Առաջարկվում է նաև տուգանային միավոր սահմանել նաև լուսաթափանցելիության կանոնի խախտման համար   Ամենաընթերցվողը բաժնում |  Վերջին լուրեր Ալիև․ Հայաստանը պետք է փոխի Սահմանադրությունը, հրաժարվի Արարատ լեռը որպես խորհրդանիշ օգտագործելուց  Ալիևը նաև ասել է, թե «հայերը լուրջ հոգեբանական շեղումներ ունեն» և «զառանցագին գաղափարներ»Ալիև․ Ձեռքերս ծալած չենք սպասելու, մինչև Ֆրանսիան, Հնդկաստանն ու Հունաստանը զինեն ՀՀ–ին «Դրանով փորձում են մեզ ինչ–որ բան ապացուցել»,–ասել է նաՎենետիկում անցկացվող 60-րդ միջազգային բիենալեի օրերին բացվել է AKNEYE ֆիջիթալ սփեյսը Ներկաները վայելել են միջոցառումը, ծանոթացել NFT-ների յուրօրինակ աշխարհին և ձեռք բերել նոր ծանոթություններԱլիևը կրկին Զանգեզուրի միջանցք է պահանջում․ «ՀՀ–ն չի կարող հրաժարվել եռակողմ հայտարարության այդ դրույթից» «Այնտեղ գրված է, որ պետք է տրանսպորտային հաղորդակցություն լինի, որը հսկելու են ՌԴ սահմանապահները»,–ասել է նա |
