Սիմոն Մարտիրոսյանը կարող է ստանալ Ռիոյի Օլիմպիական խաղերի ոսկե մեդալը

Սիմոն Մարտիրոսյանը կարող է ստանալ Ռիոյի Օլիմպիական խաղերի ոսկե մեդալը

PanARMENIAN.Net - Ծանրամարտիկ, Ռիո-2016 Օլիմպիական խաղերի արծաթե մեդալակիր Սիմոն Մարտիրոսյանը 2020 թվականի հունվարին կարող է ստանալ օլիմպիական ոսկե մեդալը:

Այս մասին հայտնել է Հայաստանի ծանրամարտի հավաքականի գլխավոր մարզիչ Փաշիկ Ալավերդյանը, հաղորդում է Yerkirmedia.am-ը:

«Միջազգային ֆեդերացիան արդեն իսկ շնորհավորել է մեզ Սիմոն Մարտիրոսյանի ոսկե մեդալի համար, քանի որ Ռիո-2016-ի խաղերի չեմպիոն Ռուսլան Նուրուդինովի` դեռևս 2012 թվականի Լոնդոնի Օլիմպիական խաղերի դոպինգ թեսթերը դրական են եղել»,- ասել է Ալավերդյանը:

Սիմոն Մարտիրոսյանը Ռիոյի Օլիմպիական խաղերում երկամարտի 417 կգ արդյունքով երկրորդն էր:Ռիոյի Օլիմպիական խաղերի հաղթող Նուրուդինովը Լոնդոնում զբաղեցրել էր 4-րդ տեղը: Դա ստիպել էր Միջազգային օլիմպիական կոմիտեին վերանայել նախորդ Օլիմպիական խաղերի թեստերը:

 Ուշագրավ
Հայաստանի ազգային հավաքականի նախկին հարձակվողը հայտնել է, որ միանշանակ կմնա ֆուտբոլում
Բայրամյանը հավաքականին կմիանա առաջիկա հավաքի ընթացքում`
Նա ասել է, որ հաճույք է ստանում իտալական ֆուտբոլից
Ֆոնսեկան հայտարարել է, որ ակումբը մտադիր է թիմում պահել վարձակալությամբ հանդես եկող Մխիթարյանին և Սմոլինգին