Փաշինյանը «հեռակա» հեգնել է Սերժ Սարգսյանի հայտարարություններից մեկը

Փաշինյանը «հեռակա» հեգնել է Սերժ Սարգսյանի հայտարարություններից մեկը

PanARMENIAN.Net - ՀՀ վարչապետ Նիկոլ Փաշինյանը ֆեյսբուքյան իր էջում լուսանկար է հրապարակել ՀՀ Զինված ուժերի կողմից նոր ձեռքբերված ՍՈւ 30 օդանավում:

«Ես եմ լինելու այս օդանավի առաջին ուղևորը»,-գրել է Փաշինյանը:

2011 թվականին այն ժամանակվա նախագահ Սերժ Սարգսյանը, խոսելով Ստեփանակերտի օդանավակայանի գործարկման մասին, ասել էր, որ ինքը կլինի Երևան-Ստեփանակերտ չվերթի առաջին ուղևորը:

Պատասխանելով հարցին, որ ադրբեջանցի պաշտոնյաները սպառնացել են խոցել Ստեփանակերտում վայրէջք կատարող քաղաքացիական օդանավերը՝ Սերժ Սարգսյանը նշել էր, որ չի մեկնաբանի այդ հայտարարությունը:

«Այդ հայտարարությունը մեկնաբանելու կարիք չկա. ես կանեմ իմ հայտարարությունը: Այդ ավիաչվերթի առաջին ուղևորը ես եմ լինելու»,-ասել էր Սարգսյանը։

Երևան-Ստեփանակերտ ավիաչվերթ այդպես էլ չի իրականացվել:

 Ուշագրավ
ՏԿԵ նախագծով առաջարկվում է զարգացնել ավագանու ինստիտուտը, 4000-ից ավելի ընտրող ունեցող համայնքներում անցնել համամասնական ընտրակարգի
Սերժ Սարգսյանի թիկնազորի նախկին պետ Վաչագան Ղազարյանն ու կինն ամբողջությամբ հատուցել են պետությանը պատճառված վնասը
Նաղդալյանը նշել է, որ Ադրբեջանի կեղծ պնդումները, թե ընտրություններում ձևավորվում են ԼՂ-ի ընտրյալ ներկայացուցիչներ, լավագույնս արտացոլում են Ադրբեջանի ժողովրդավարության խեղաթյուրված ընկալումները
Ըստ նրա՝ հետևանքները շատ ծանր են լինելու՝ խարխլելով երկրի իրավական անվտանգությունն ու հարվածելով միջազգային վարկանիշին