Ուկրաինան Իրանում ինքնաթիռի կործանման մի քանի վարկած ունի, այդ թվում՝ հրթիռի հարված և ահաբեկչություն 9 հունվարի 2020 - 14:24 AMT PanARMENIAN.Net - Ուկրաինայի ազգային անվտանգության և պաշտպանության խորհուրդն Իրանում ուկրաինական ավիաուղիների Boeing 737-ի կործանման 3 վարկած ունի: Ուկրաինայի ԱԱԽ քարտուղարը հրապարակել է դրանք՝ չբացառելով հրթիռային հարվածը և ահաբեկչությունը, հայտնում է ՌԻԱ Նովոստին: «Ինքնաթիռի կործանման հիմնական վարկածներից մեկն ինքնաթիռի խոցումն է զենիթահրթիռային համակարգով, այդ թվում «Տոռ» ԶՀՀ-ով, քանի որ համացանցում արդեն տեղեկություններ կան ավիաաղետի վայրում ռուսական արտադրության հրթիռի բեկորների առկայության մասին: Վարկածներից են նաև բախումն անօդաչու թռչող սարքի կամ թռչող այլ օբյեկտի հետ, շարժիչի պայթյունը և խափանումը տեխնիկական պատճառներով, պայթյունն ինքնաթիռի ներսում ահաբեկչական ակտի արդյունքում»,- ասել է նա: Ավելի վաղ Իրանի Քաղավիացիայի կազմակերպությունը հրապարակել էր վթարի վերաբերյալ իր նախնական զեկույցը: Ըստ կազմակերպության ղեկավար Ալի Աբեդզադեի՝ իքնանթիռը բռնկվել է օդում, շրջադարձ կատարել և վերադարձել հետ դեպի օդանավակայան: Կարգավարները արտակարգ իրավիճակի մասին անձնակազմից ազդանշաններ չեն ստացել: Կործանումից անմիջապես հետո Իրանի իշխանությունները հայտարարեցին, որ ինքնաթիռը կործանվել է շարժիչի բռնկման պատճառով: Աղետի վայրում հայտնաբերվել են սև արկղերը, բայց իրանական կողմը հրաժարվել է դրանք փոխանցել ԱՄՆ իշխանություններին և արտադրող ընկերությանը: Ինքնաթիռի կործանումից մի քանի ժամ առաջ Իրանը հրթիռային հարվածներ էր հասցրել ԱՄՆ ռազմակայանին Իրաքում: Հունվարի 8-ին կործանված բոինգում 176 մարդ է եղել, որոնք բոլորը զոհվել են: Ուշագրավ Կողմերը քննարկելու են նաև համագործակցությունը նավթագազային ոլորտում Էսմայիլին ասել է, որ թռիչքի ժամանակ եղանակը բարենպաստ է եղել, ամպամածություն եղել միայն մեկ հատվածում Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Ամենաընթերցվողը բաժնում | Amnesty International-ը կոչ է արել ՀՀ իշխանություններին անհապաղ հետաքննել հունիսի 12-ի բռնությունները «Երևանում վերջին փողոցային ակցիայի ժամանակ բռնությունների մակարդակը խորը տագնապ է առաջացնում»,–ասել է կառույցի ներկայացուցիչը Բագրատ սրբազան․ Ապրում ենք իրավական ամենաթողության մեջ Նա նշել է, որ իրավապահ ամբողջ համակարգը դարձել է «իշխանության աթոռները պահող, ծառա» Հայկակ Արշամյան․ 2023–ին «Հայաստան» հիմնադրամին փոխանցումը կազմել է 7 մլրդ դրամ, 60 ծրագիր է արվել 2 նոր բազմաբնակարան շենք է կառուցվել Գյումրիում, 14 առանձնատուն՝ Լեռնագոգում, 6–ը՝ Ներքին Խնձորեսկում Երևանում կտեղադրվի 930 բեռնարկղ 4 տեսակի թափոնների համար Նոր թափոնամանները բավարար կլինեն ապակին, պլաստիկը, թուղթն ու այլումինը տեսակավորելու համար |