ԱՏՁՄ-ի ղեկավարը՝ ԿԳՄՍ նախարարին. Իր պես նախարարներ շատ ենք ունեցել14 հունվարի 2020 - 13:16 AMT PanARMENIAN.Net - Կրթության, գիտության, մշակույթի և սպորտի նախարար Արայիկ Հարությունյանը չի տիրապետում իր ղեկավարած նախարարության տվյալներին, ասել է Առաջատար տեխնոլոգիաների ձեռնարկությունների միության (ԱՏՁՄ) ղեկավար Կարեն Վարդանյանը: Ըստ Panorama.am-ի՝ նա անդրադարձել է իր հարցազրույցի վերաբերյալ նախարար Արայիկ Հարությունյանի հայտարարություններին: Ավելի վաղ Վարդանյանն նշել էր, որ ԿԳՄՍ նախարարությունը դադարեցրել է «Արմաթ» լաբորատորիաների տեղադրման ֆինանսավորումը: Նրա խոսքով՝ դա վարչապետ Նիկոլ Փաշինյանի ասած «սաբոտաժի դասական օրինակն է»: Արայիկ Հարությունյանը մեկնաբանել էր այս հայտարարությունը՝ նշելով, որ Վարդանյանը վեց աշխատանքային օր առաջ ստացել է ավելի քան 800 մլն դրամի վերջին գումարները՝ 3 մարզում 284 նոր լաբորատորիա ներդնելու համար: «Վեց աշխատանքային օր առաջ մենք 800 մլն դրամ չենք ստացել, այդ գումարները ստացել ենք մի քանի ամիս առաջ՝ 284 լաբորատորիա հիմնելու համար։ Չգիտեմ, թե ինչ գումարի մասին է խոսքը»,- ասել է Վարդանյանը՝ չբացառելով, որ հնարավոր է՝ այդ գումարից մի փոքր մաս մնացել է, իսկ 6 օր առաջ վերջին փոխանցումն են արել։ Վարդանյանի խոսքով՝ բյուջեում չկա մի տող, որ այս տարի լաբորատորիաներ են ստեղծվելու։ Նա նշել է նաև, որ արդեն 2 տարի է՝ իրենց կազմակերպությունը անվանափոխվել է: «Այսինքն, նախարարությունը պայմանագիր է կնքում՝ չիմանալով, թե ում հետ, հետո էլ, կարծես թե, ակնարկում է, որ մեր կազմակերպությունն ինձ տնօրինությունից հանի՞։ Կարծում եմ, որ դա ցածր կարգի մարդու որակ է։ Ըստ էության՝ շանտաժ է անում՝ տնօրենին հանեք, որ փող տանք»,- ասել է Վարդանյանը՝ մեկնաբանելով Հարությունյանի խոսքը, թե ԱՏՁՄ-ի հետ, թե՝ առանց, ԿԳՄՍՆ-ն շարունակելու է ՀՀ դպրոցները «Արմաթ» լաբորատորիաներով հագեցնել։ 2014-ին ընդունված՝ հանրակրթական համակարգում «Արմաթ» ինժեներական լաբորատորիաների ներդրման ծրագրով Հայաստանի մի շարք քաղաքների և գյուղերի դպրոցներում գործում են ինժեներական խմբակներ: Այժմ ՀՀ, Արցախի և Վրաստանի տարածքում գործում է 280-ից ավելի «Արմաթ» ինժեներական լաբորատորիա, որտեղ ավելի քան 7500 երեխա անվճար ինժեներական կրթություն է ստանում։ Ուշագրավ Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Առաջարկվում է նաև տուգանային միավոր սահմանել նաև լուսաթափանցելիության կանոնի խախտման համար Ամփոփվել են միասնական քննությունների առաջին փուլի արդյունքները Ամենաընթերցվողը բաժնում | Հայաստանը Տաթևի և Տաթևի մեծ անապատ համալիրները Հաագայի կոնվենցիայով ուժեղացված պաշտպանության տակ առնելու հայտ կներկայացնի Նախապատրաստական աշխատանքներ են ընթանում «Ազատություն»․ՀՀ–ն, ըստ նախնական համաձայնության, առաջին անգամ օգնություն կստանա ԵՄ Խաղաղության հիմնադրամից Գումարը, ըստ փաստաթղթի, պետք է տրամադրվի մեկ գումարտակի համար նախատեսված դաշտային մոդուլային ճամբար ստեղծելու համար ՀՀ-ն փաստագրում է ԼՂ-ի հուշարձանների նկատմամբ վանդալիզմի դեպքերը և ներկայացնում միջազգային հարթակներում Լեռնային Ղարաբաղի հուշարձանների հետ կապված մշտադիտարկման խմբեր են գործում Խոսնակ․ Որևէ հայտարարություն, որը չի հնչել կամ հաստատվել վարչապետի կողմից՝ պաշտոնապես հերքվում է Նա նշել է, որ Փաշինյանին որոշ աղբյուրների կողմից վերագրվում են տարբեր հայտարարություններ |