«Գահերի խաղի» սփին-օֆֆը՝ «Վիշապի տունը» կթողարկվի 2022-ին

«Գահերի խաղի» սփին-օֆֆը՝ «Վիշապի տունը» կթողարկվի 2022-ին

PanARMENIAN.Net - Հանրահայտ «Գահերի խաղը» հեռուստասերիալի սփին-օֆֆը՝ «Վիշապի տունը» սերիալը, կթողարկվի արդեն 2022 թվականին:

Հեռուստատեսային քննադատների ասոցիացաիայի հետ հանդիպման ժամանակ այս մասին հայտնել է HBO-ի տնօրեն Քեյսի Բլոյսը՝ հավելելով, որ Ջորջ Մարտինը և Ռայան Քոնդալն արդեն աշխատում են սցենարի վրա, հաղորդում է Deadline-ը:

Նշվում է, որ նոր սերիալի գործողությունները ծավալվելու են «Գահերի խաղի» իրադարձություններից 300 տարի առաջ, սյուժեի կենտրոնում Թարգարյենների ընտանիքն է:

10 էպիզոդից բաղկացած սերիալում պատմությունը ներկայացվում է Էյգոն Թարգարյենի կողմից Յոթ թագավորությունների նվաճումից մինչև Էյգոն III գահակալություն:

Սերիալի թողարկամ հստակ ամսաթիվը, սակայն, չի նշվում:

«Վիշապների տունը» պատվիրելուց առաջ HBO-ն աշխատում էր նոր փրիքվելի վրա՝ հայտնի ոչ պաշտոնական «Երկար գիշեր» անունով: Նախագիծը պետք է պատմեր «Գահերի խաղի» վաղ անցյալի մասին՝ բացահայտելով Վեսթերոսի և սպիտակ քայլորդների ծագման գաղտնիքները: Պիլոտային էպիզոդից հետո ալիքը որոշել էր չշարունակել աշխատանքը:

«Գահերի խաղը» հեռուստասերիալի պրեմիերան կայացել է 2011 ապրիլի 17-ին: Այն համարվում է ամերիկյան հեռուստատեսության պատմության ամենաթանկ նախագծերից մեկը: Սերիալի 8-րդ սեզոնի բյուջեն անցել է $90 մլն-ը: Variety-ի տվյալներով՝ 2017-ին գլխավոր դերակատարներից մի քանիսը յուրաքանչյուր սերիայի համար ստացել են $500,000:

 Ուշագրավ
«Համոզված եմ եղել, որ մշակույթը սահմաններ չի ճանաչում»,- նշել է նա
Երաժիշտը նշել է, որ իր արվեստը իրանցի, ամերիկացի և հայ ժողովուրդների համար է
«Իռլանդացին» ֆիլմն առաջադրված է «Օսկարի» 10 անվանակարգում, այդ թվում՝ «Լավագույն ֆիլմ» և «Լավագույն ռեժիսոր»
2003-ին Լինսի հիմնադրամի միջոցներով Հանրապետության հրապարակի վերանորոգման ժամանակ պարզվեց, որ դրա ամբողջ տարածքում 17-րդ դարի շինություններ են