Բադասյանը՝ ՔԿՀ-ներում անկարգություններ հրահրելու մասին․ Ներքին զորքեր ունենք, թող մեկը փորձի սպառնալով խոսել

Բադասյանը՝ ՔԿՀ-ներում անկարգություններ հրահրելու մասին․ Ներքին զորքեր ունենք, թող մեկը փորձի սպառնալով խոսել

PanARMENIAN.Net - Ժամանակն է, որ պետությունն ու Ոստիկանությունն իրենց ուժը ցույց տան, ԱԺ-ում քրեական ենթամշակույթի քրեականացման օրինագծի քննարկմանը հայտարարել է արդարադատության նախարար Ռուստամ Բադասյանը:

Նախարարը նշել է, որ համաձայն անկախ պատգամավոր Արման Բաբաջանյանի հնչեցրած մտքին, թե ոստիկանությունը պետք է իր ուժը ցույց տա:

«Պետությունն այնքան հզոր է այս պահին, որ թող որևէ մեկը համարձակվի անկարգություններով մեզ սպառնա, մենք ունենք ներքին զորքեր, ունենք քրեակատարողական հիմնարկում արտակարգ իրավիճակ հայտարարելու հնարավորություն և իրավական հիմք, և թող մեկը փորձի իր բախտը և փորձի պետության հետ սպառնալիքների լեզվով խոսել»,- ասել է արդարադատության նախարարը՝ անդրադառնալով «Լուսավոր Հայաստանից» Անի Սամսոնյանի այն մտահոգությանը, թե օրենքի ընդունումը կարող է բանտերում դժգոհություն ու խմորումներ առաջացնել:

Քննարկվող նախագիծը քրեական պատասխանատվություն է նախատեսվում քրեական աստիճանակարգության բարձրագույն կարգավիճակ տալու, ստանալու կամ պահպանելու համար, քրեական ենթամշակույթ կրող խմբավորում ստեղծելու կամ ղեկավարելու համար, դրանք մասնակցելու կամ ներգարվվելու, կամ էլ նման մշակույթ կրող անձանց դիմելու համար: Օրենքի այս նախագիծն ԱԺ-ում թեժ քննարկման առարկա է դարձել: Ընդդիմախոսների մի մասը պնդում է, որ այն պայքար է անորոշ և չհստակեցված երևույթի դեմ:

 Ուշագրավ
ՏԿԵ նախագծով առաջարկվում է զարգացնել ավագանու ինստիտուտը, 4000-ից ավելի ընտրող ունեցող համայնքներում անցնել համամասնական ընտրակարգի
Սերժ Սարգսյանի թիկնազորի նախկին պետ Վաչագան Ղազարյանն ու կինն ամբողջությամբ հատուցել են պետությանը պատճառված վնասը
Նաղդալյանը նշել է, որ Ադրբեջանի կեղծ պնդումները, թե ընտրություններում ձևավորվում են ԼՂ-ի ընտրյալ ներկայացուցիչներ, լավագույնս արտացոլում են Ադրբեջանի ժողովրդավարության խեղաթյուրված ընկալումները
Ըստ նրա՝ հետևանքները շատ ծանր են լինելու՝ խարխլելով երկրի իրավական անվտանգությունն ու հարվածելով միջազգային վարկանիշին