Մարզպետ. ԱԺ-ում վարչապետը կասի՝ ինչ լուծում է տեսնում սպանդանոցների դեմ բողոքների հարցում22 հունվարի 2020 - 10:58 AMT PanARMENIAN.Net - Արարատի մարզում սպանդանոցային պարտադիր մորթի դեմ բողոքող անասնաբույծների ու մսավաճառների հետ հանդիպմանը մարզպետ Գարիկ Սարգսյանն ասել է, որ վարչապետն ԱԺ-ում հարցուպատասխանի ժամանակ (հունվարի 22-ին, խմբ) կասի՝ ինչ լուծումներ է տեսնում բարձրացված խնդրին: Սպանդանոցային պարտադիր մորթի դեմ բողոքող ֆերմերներն ու գյուղացիները հունվարի 16-ից բողոքի ակցիաներ են անում: Կառավարության շենքի առջև մի քանի օր իրենց բողոքը հնչեցնելուց հետո, նրանք, հունվարի 20-ին փակել էին Երևան-Արարատ մայրուղին: Նրանց հետ հանդիպման գնացած մարզպետ Սարգսյանը խոստացել էր, որ հարցը կբարձրացվի ԱԺ-ում: Դրանից հետո ցուցարարները բացել էին մայրուղին: «ԱԺ-ից ինձ հավաստիացրել են, որ շատ լավ լուծումներ կան։ Կառավարությունում էլ ասել են, որ վաղը հարցուպատասխանի ժամանակ մեր խմբակցության կողմից հարցը բարձրացվելու է և, ամենայն հավանականությամբ, վարչապետը կպատասխանի, թե ինչ լուծում է տեսնում», - հայտարարել է Գարիկ Սարգսյանը, հայտնում է Aysor.am-ը: Հունվարի 15-ից ուժի մեջ մտած սպանդանոցային պարտադիր մորթի մասին օրենքի դեմ բողոքող ֆերմերներն ու գյուղացիները պնդում են՝ Կառավարությունը սպանդանոցներում պարտադիր մորթ կատարելու որոշումը կայացրել է առանց իրենց կարիքները հասկանալու: Անասնապահների խոսքով՝ իրենց 6-7 ամիս ժամանակ է պետք, որ հասկանան՝ շարունակում են զբաղվել անասնապահությամբ, թե՝ ոչ: Ցուցարարները նշում են, որ սպանդանոցային պարտադիր մորթի պատճառով իրենք մեկ կենդանու մորթից կորցնում են 30,000 դրամ: Նրանք ասում են՝ չեն դադարեցնելու բողոքի ակցիաները, քանի դեռ իրենց հարցին լուծում չի տրվել: Ուշագրավ Վարդանյանն ասել է, որ գտնվում է մեկուսացման խցում Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Ամենաընթերցվողը բաժնում | Չիլիում ապրիլի 24-ը հայտարարվել է Հայոց ցեղասպանության զոհերի հիշատակի ազգային օր Պատգամավորների պալատը հավանություն է տվել Թավրիզում ՀՀ հյուպատոսություն կբացվի Նշվում է, որ ՀՀ–ն քայլեր է ձեռնարկելու Իրանի հետ առանձնահատուկ հարաբերությունների հետագա զարգացումն ապահովելու ուղղությամբ Կիրակոսյանը՝ Հաագայում․ ՄԱԿ ԱԽ-ն ու Եվրոպական դատարանը երբևէ չեն վճռել, որ ՀՀ-ն օկուպացրել է ԼՂ-ն Նա ներկայացրել է առարկություններն Ադրբեջանի ներկայացրած պահանջների նկատմամբ Ապրիլի 28–ին մայրաքաղաքում փակ փողոցներ կլինեն․ «Երևանի մարաթոնն» է Նախատեսվում է, որ միջոցառմանը կմասնակցի մոտ 2000 վազորդ |