Սողոմոնյան. Քանի պաշտոնական չէ՝ չեմ մեկնաբանի Քոչարյանի գրասենյակի վրա հարձակման վարկածը

Սողոմոնյան. Քանի պաշտոնական չէ՝ չեմ մեկնաբանի Քոչարյանի գրասենյակի վրա հարձակման վարկածը

PanARMENIAN.Net - ՀՀ երկրորդ նախագահ Ռոբերտ Քոչարյանի գրասենյակի ղեկավար Վիկտոր Սողոմոնյանը չի մեկնաբանել «Էրեբունի պլազայում» իր ղեկավարած գրասենյակի վրա հարձակման վարկածը: Նա նշել է՝ քանի դեռ կատարվածի մասին պաշտոնական տեսակետ չկա, չի կարող ասեկոսեներ մեկնաբանել:

Շենքում, ի թիվս այլ գրասենյակների, գտնվում է նաև Քոչարյանի գրասենյակը: Նրա կողմնակիցներից Արմեն Մինասյանի խոսքով՝ տեղեկություններ ունեն, որ կրակոցները եղել են հենց այդ գրասենյակի շրջակայքում և իրենց են վերաբերվել:

«Կգերադասեմ տեղեկություններն ամբողջացնել: Եթե մեզ ինչ-որ կերպ առնչվում է՝ հայտարարություն կտարածենք: «Էրեբունի պլազայում» գործում են բազմաթիվ հիմնարկներ: Դրանցից մեկը նաև Ռոբերտ Քոչարյանի գրասենյակն է: Քանի չունեմ պաշտոնական տեսակետ՝ չեմ ուզում մեկնաբանել: Երբ կլինի իրադարձությունների նկարագիր ու կկարողանամ պարզել՝ որքանով է այս իրադարձությունն առնչվում մեզ հետ, հայտարարություն կանեմ: Նորից եմ կրկնում՝ այս շենքում բազմաթիվ գրասենյակներ են գտնվում: Ես Քոչարյանի գրասենյակի ղեկավարն եմ, ասեկոսեները չեմ մեկնաբանում»,- նշել է Սողոմոնյանը՝ հավելելով, որ միջադեպի ժամանակ գրասենյակում ոչ ոք չի եղել:

Ժամը 14.40-ին ոստիկանությունում ահազանգ էր ստացվել, որ «Էրեբունի պլազա» հյուրանոցում զինված անձ կա։ Անմիջապես դեպքի վայր են մեկնել օպերատիվ խմբեր։ Կատարվում են անհետաձգելի աշխատանքներ։ Ընթանում են բանակցություններ։

Ոստիկանության խոսնակ Աշոտ Ահարոնյանի խոսքով՝ իրավիճակը կայուն է ու վերահսկելի: Ըստ նախնական տվյալների՝ վիրավորներ ու տուժածներ չկան, դրանց համաձայն նաև՝ ներխուժողը մի հոգի էր:

Ռոբերտ Քոչարյանը Մարտի 1-ի գործով գլխավոր մեղադրյալներից է:

 Ուշագրավ
ՏԿԵ նախագծով առաջարկվում է զարգացնել ավագանու ինստիտուտը, 4000-ից ավելի ընտրող ունեցող համայնքներում անցնել համամասնական ընտրակարգի
Սերժ Սարգսյանի թիկնազորի նախկին պետ Վաչագան Ղազարյանն ու կինն ամբողջությամբ հատուցել են պետությանը պատճառված վնասը
Նաղդալյանը նշել է, որ Ադրբեջանի կեղծ պնդումները, թե ընտրություններում ձևավորվում են ԼՂ-ի ընտրյալ ներկայացուցիչներ, լավագույնս արտացոլում են Ադրբեջանի ժողովրդավարության խեղաթյուրված ընկալումները
Ըստ նրա՝ հետևանքները շատ ծանր են լինելու՝ խարխլելով երկրի իրավական անվտանգությունն ու հարվածելով միջազգային վարկանիշին