Փաշինյան. Թող Արցախի նախագահի բոլոր թեկնածուներն ասեն՝ այս տեքստն իրենց համար ընդունելի՞ է , թե` ոչ

Փաշինյան. Թող Արցախի նախագահի բոլոր թեկնածուներն ասեն՝ այս տեքստն իրենց համար ընդունելի՞ է , թե` ոչ

PanARMENIAN.Net - Ոմանք վերջին շանսի հույս ունեն՝ Արցախի նախագահական ընտրություններում բոլորի կողմից և ժողովրդի կողմից մերժված ինչ-որ մեկին ինչ-որ մանիպուլյացիայի արդունքում դարձնելու Արցախի նախագահ, հայտարարել է վարչապետ Նիկոլ Փաշինյանը:

«Դա չի ստացվելու, որովհետև ՀՀ և Արցախի Հանրապետության ղեկավարների և իշխանությունների համար այս սցենարը պարզ է: Բայց հիմա ցանկանում են ասել, որ ՀՀ կառավարությունբ Արցախի հարցում ոչ հայանպաստ քաղաքականություն է վարում և, եթե Արցախում ընտրվի նախագահ, որը դեմ չէ ՀՀ իշխանություններին, սպառնալիքներ կստեղծվի Արցախի համար»,- ասել է Փաշինյանը:

Վարչապետը նշել է, թե ավելի վաղ տեղեկություն էր հրապարակվել, թե որ կետում է թողել Ղարաբաղի հարցի կարգավորումը ՀՀ երրորդ նախագահ Սերժ Սարգսյանը: Փաշինյանի խոսքով՝ այն չի հերքվել նախկին իշխանության ներկայացուցիչների կողմից: Վարչապետն ընթերցել է հրապարակման տեքստը, առանձնացրել ղարաբաղյան հարցի կարգավորման նպատակները. 7 շրջանի վերադարձ Ադրբեջանին՝ պայմանով, որ պահպանվում է ԼՂ-ն Հայաստանին կապող միջանցքը, խաղաղապահ ուժերի տեղակայում, ԼՂ-ին ժամանակավոր կարգավիճակ տալու որոշում և այլ նախապայմաններ:

«Մեզ մեղադրում են, որ այս ժառանգությունը կորցրել ենք: Եթե այս պահին ՀՀ-ն ուզենա հենց այս նույն կետից շարունակել բանակցությունները, միջազգային հանրությունը ոչ մի պրոբլեմ չի ստեղծի: Արցախի նախագահի բոլոր թեկնածունեը թող ասեն՝ այս տեքստն իրենց համար ընդունելի է, թե` ոչ, թող հայ ժողովուրդն ասի` այս տեքստը իր համար ընդունելի է, թե` ոչ: Եթե Արցախի ժողովուրդը կորոշի, որ սա է բանակցությունների հիմքը, ընդունելի տարբերակը, ես երաշխավորում եմ, որ նույն պահին այն կհայտնվի բանակցային սեղանին: Ես առաջարկում եմ և պնդում, որ Արցախի նախագահի բոլոր թեկնածուներն ասեն՝ իրենց համար սա ընդունելի է, թե ոչ, որպեսզի շահարկումները վերանան»,- ասել է Փաշինյանը՝ հավելելով, որ երբ ինքը վարչապետ է դարձել, իրեն առաջարկվել է Ադրբեջանի հետ բանակցությունները նույն կետից շարունակել:

2020 թվականին Արցախում կկայանան նախագահական ընտրություններ: Հավանական թեկնածուներից են Արցախի խորհրդարանի պատգամավոր Արայիկ Հարությունյանը, Արցախի ԱԳՆ ղեկավար Մասիս Մայիլյանը, «Ազգային վերածնունդ» կուսակցության (ԱՎԿ) նախագահ Հայկ Խանումյանը, անվտանգության խորհրդի նախկին քարտուղար Վիտալի Բալասանյանը:

 Ուշագրավ
Նամակում նշվում է, որ հայկական կողմի աջակցությունը կորոնավիրուսի դեմ պայքարում իր ազդեցությունն է ունենում բարձր մակարդակում փոխադարձ վստահության վրա
ՏԿԵ նախագծով առաջարկվում է զարգացնել ավագանու ինստիտուտը, 4000-ից ավելի ընտրող ունեցող համայնքներում անցնել համամասնական ընտրակարգի
Սերժ Սարգսյանի թիկնազորի նախկին պետ Վաչագան Ղազարյանն ու կինն ամբողջությամբ հատուցել են պետությանը պատճառված վնասը
Նաղդալյանը նշել է, որ Ադրբեջանի կեղծ պնդումները, թե ընտրություններում ձևավորվում են ԼՂ-ի ընտրյալ ներկայացուցիչներ, լավագույնս արտացոլում են Ադրբեջանի ժողովրդավարության խեղաթյուրված ընկալումները