ԵԱՏՄ-ից $100,000-ից ավելի կանխիկի դուրսբերման համար ծագումը պետք է հիմնավորվի

ԵԱՏՄ-ից $100,000-ից ավելի կանխիկի դուրսբերման համար ծագումը պետք է հիմնավորվի

PanARMENIAN.Net - Փետրվարի 4-ից ուժի մեջ են մտնում Եվրասիական տնտեսական միության մաքսային սահմանով կանխիկ դրամական միջոցների տեղափոխման նոր կանոնները, փոխանցում է ՌԲԿ-ն:

Ըստ Դաշնային մաքսային ծառայության՝ խոսքը $100,000-ից ավելի գումարի մասին է. դրանից ավելի գումարի տեղափոխման դեպքում պետք է ինչպես մաքսային հայտարարագիր լրացնել, այնպես էլ փաստաթղթեր, որոնք կհաստատեն գումարի ծագումը:

Փաստաթղթի բացակայության դեպքում թույլ չի տրվի անցկացնել այդ գումարը։ Կարգավորումն ուղղված է փողերի լվացման դեմ պայքարին: $10,000-ից մինչև $100,000 տեղափոխելու դեպքում, ինչպես նախկինում, բավարար կլինի լրացնել ուղևորների համար նախատեսված մաքսային հայտարարագրերը, որոնց ձևը, սակայն, փոփոխվել է, ավելացել են նոր սյունակներ:

Եվրասիական տնտեսական միությունը միջազգային ինտեգրացիոն տնտեսական միավորում է, որը հիմնադրվել է 2014-ի մայիսի 29-ին։ Ներկայումս ԵԱՏՄ կազմում ընդգրկված է 5 երկիր՝ Հայաստանը, Բելառուսը, Ղազախստանը, Ղրղզստանը և Ռուսաստանի Դաշնությունը:

 Ուշագրավ
ՌԴ-ում սահմանափակումների ռեժիմը չի ազդելու ՀՀ-ի վրա
Շուկայի վերահսկողության տեսչական մարմինն ուսումնասիրում է ալկոգելի շուկան՝ խախտումների մասին ահազանգերի հիմքով
Փաշինյանն ասել է, որ կորոնավիրուսից հետո ավելի ուժեղացած դուրս կգան այն երկրները, որոնք կհասցնեն ռազմավարական բնույթի որոշումներ կայացնել
«Պատրաստ ենք անբարենպաստ զարգացման դեպքում «հանգստացնել» ֆինանսական շուկան»,- ասել է նա