Վարչապետ. Կոռուպցիայի դեմ պայքարի արդյունքում $105 մլն ՀՀ պետբյուջե է վերադարձել

Վարչապետ. Կոռուպցիայի դեմ պայքարի արդյունքում $105 մլն ՀՀ պետբյուջե է վերադարձել

PanARMENIAN.Net - Կոռուպցիայի դեմ պայքարի արդյունքում Հայաստանը $105 մլն է վերադարձրել պետական բյուջե, սակայն ՀՀ-ում հակակոռուպցիոն պայքարը դեռ գոհացնող չէ, հայտարարել է վարչապետ Նիկոլ Փաշինյանը:

Նա նշել է, որ 2018-ից սկսած՝ իր կողմից նշանակված մի քանի փոխնախարարներ են ձերբակալվել, կոռուպցիոն մեղադրանքով ձերբակալվել է Քաղաքաշինության կոմիտեի ղեկավարն ու այդ ձերբակալությունը երրորդ հանրապետության պատմության մեջ ամենաբարձրաստիճան գործող պաշտոնյայի ձերբակալությունն էր:

«2019 թվականի արդյունքներով մենք սպասում ենք 7.9-8% տնտեսական աճ, և Արժույթի միջազգային հիմնադրամի արձանագրմամբ` սա լավագույն ցուցանիշն է ամբողջ եվրոպական տարածաշրջանում՝ ներառյալ նախկին խորհրդային հանրապետությունների շրջանում: Մենք 2019-ին ունեցել ենք ընդամենը 1.4% գնաճ: Բացի այդ, գործազրկությունը 2.2%-ով անկում է ապրել, արտահանումն ավելացել է 9%-ով... կարծում ենք, որ հակակոռուպցիոն պայքարը Հայաստանի Հանրապետությունում պետք է լինի շատ ավելի էֆեկտիվ»,- հայտարարել է վարչապետը:

2019-ի դեկտեմբերին Փաշինյանը հայտարարել էր, որ կոռուպցիայի մեջ ներքաշվելու դեպքում չի ներելու ոչ իր թիմի անդամներին, ոչ մերձավորներին: Փաշինյանը հայտարարել էր, թե ինքն իրեն համարում է «կոռուպցիայի հետ գենետիկորեն անհամատեղելի» քաղաքական գործիչ:

 Ուշագրավ
ՏԿԵ նախագծով առաջարկվում է զարգացնել ավագանու ինստիտուտը, 4000-ից ավելի ընտրող ունեցող համայնքներում անցնել համամասնական ընտրակարգի
Սերժ Սարգսյանի թիկնազորի նախկին պետ Վաչագան Ղազարյանն ու կինն ամբողջությամբ հատուցել են պետությանը պատճառված վնասը
Նաղդալյանը նշել է, որ Ադրբեջանի կեղծ պնդումները, թե ընտրություններում ձևավորվում են ԼՂ-ի ընտրյալ ներկայացուցիչներ, լավագույնս արտացոլում են Ադրբեջանի ժողովրդավարության խեղաթյուրված ընկալումները
Ըստ նրա՝ հետևանքները շատ ծանր են լինելու՝ խարխլելով երկրի իրավական անվտանգությունն ու հարվածելով միջազգային վարկանիշին