ՌԴ-ն միասեռականների ամուսնությունները չի օրինականացնի

ՌԴ-ն միասեռականների ամուսնությունները չի օրինականացնի

PanARMENIAN.Net - Միասեռականների ամուսնությունները Ռուսաստանում չեն օրինականացվի՝ նախկինի պես ամուսնություն կհամարվի միայն տղամարդու և կնոջ միությունը: Այդ մասին ՌԴ նախագահ Վլադիմիր Պուտինը հայտարարել է Սահմանադրական փոփոխությունների վերաբերյալ առաջարկներ նախապատրաստող աշխատանքային խմբի հետ հանդիպմանը:

«Ինչ վերաբերում է «ծնող № 1», «ծնող № 2» հասկացություններին... Քանի դեռ ես նախագահ եմ, մեզ մոտ չեն լինի «ծնող № 1», «ծնող № 2», կլինեն «հայրիկ» և «մայրիկ»,- ասել է Պուտինը՝ պատասխանելով դիտարկմանը, թե առաջարկություններ կան Սահմանադրության մեջ այնպիսի դրույթ ամրագրել, որով ընտանիք է համարվում միայն տղամարդու և կնոջ միությունը, գրում է ՌԲԿ-ն:

Պուտինը՝ արձագանքելով, նշել է, որ ավելի շուտ խոսքն ամուսնության մասին է, քանի որ չհամալրված ընտանիքները ևս ընտանիք են:

ՌԴ նախագահը դրական է գնահատել սահմանադրության մեջ այն նորմի ամրագրումը, որի համաձայն կառավարությունը կանոնակարգում է ընտանիքի և ավանդական ընտանեկան արժեքների ամրապնդման ու պաշտպանության հարցերը:

 Ուշագրավ
Նրանք Չինաստանի քաղաքացիներ են
Այժմ վարակվածների թիվը հասել է 5999-ի, ևս 9239-ի մոտ կասկածվում է հիվանդությունը, 132 մարդ մահացել է, 104-ը՝ բուժվել
Գիտնականներն ասում են, որ Համաշխարհային օվկիանոսի տաքացումը վկայում է կլիմայի փոփոխության արագանալու մասին
Ավելի վաղ արքայազն Հարիին և նրա կինը հայտնել էին, որ մտադիր են ֆինանսական ինքնուրույնության հասնել առանց թագավորական արտոնությունների