ՊՈԱԿ-ի փորձագետը 3.3 մլն դրամ կաշառք է ստացել. Ձերբակալվել է

ՊՈԱԿ-ի փորձագետը 3.3 մլն դրամ կաշառք է ստացել. Ձերբակալվել է

PanARMENIAN.Net - Շրջակա միջավայրի նախարարության «Շրջակա միջավայրի վրա ազդեցության փորձաքննական կենտրոն» ՊՈԱԿ-ի փորձագետը տնտեսվարողի տնօրենի օգտին գործողություններ կատարելու նպատակով առանձնապես խոշոր չափի՝ 3.3 մլն դրամ կաշառք է ստացել, դեպքի առթիվ քրգործ է հարուցվել: Պաշտոնյան և փորձաքննություն նախաձեռնած տնտեսվարողը ձերբակալվել են, հայտնում են ԱԱԾ-ից:

«Պաշտոնատար անձը հանքարդյունաբերության արտոնագիր ստանալուն նպաստելու, այդ հարցում խոչընդոտները վերացնելու համար տնտեսվարող սուբյեկտի տնօրենի փոխարեն համապատասխան փաստաթղթեր կազմելու, հանքավայրի իրական երկրաբանական տեղորոշիչները պատկան մարմիններին չհայտնելու և դրական եզրակացության նախագիծ տրամադրելու համար պահանջել և 2019 թ. սեպտեմբերից մինչև 2020-ի փետրվարի 8-ն ընկած ժամանակահատվածում հանդիպումների ընթացքում մաս-մաս ստացել է առանձնապես խոշոր չափերով՝ 3.3 մլն դրամ կաշառք»,-ասվում է ԱԱԾ հայտարարության մեջ։

Փետրվարի 18-ին Հանրապետության հրապարակի հարակից հատվածում կաշառքի հերթական գումարը ստանալիս, առձեռն կաշառք տվող անձի հետ միասին փորձագետը բռնվել և բերման է ենթարկվել: Անձնական խուզարկությամբ հայտնաբերվել և առգրավվել է կաշառքի առարկան։

 Ուշագրավ
Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները
Առաջարկվում է նաև տուգանային միավոր սահմանել նաև լուսաթափանցելիության կանոնի խախտման համար
Ամփոփվել են միասնական քննությունների առաջին փուլի արդյունքները
Հաջորդ հումանիտար բեռը նախատեսվում է տրամադրել Խարկովի հիվանդանոցներից մեկին
---