«Ռոստելեկոմը» ներկայացնում է առաջին հայալեզու «Շանթ Sport» HD հեռուստաալիքը

«Ռոստելեկոմը» ներկայացնում է առաջին հայալեզու «Շանթ Sport» HD հեռուստաալիքը

PanARMENIAN.Net - Ընդառաջելով բազմաթիվ բաժանորդների առաջարկներին՝ «Ռոստելեկոմը» սպորտի սիրահարներին է ներկայացնում երկար սպասված՝ «Շանթ Sport» HD (թիվ 614) հեռուստաալիքը։

«Շանթ Sport»-ն առաջին հայալեզու սպորտային հեռուստաալիքն է, որը հնարավորություն է տալիս դիտելու ամենասպասված սպորտային հանդիպումներն ու հաղորդումները բացառապես հայերեն մեկնաբանությամբ։ «Շանթ Sport»-ի եթերը լի է բազմապիսի մարզաձևերի` այդ թվում ֆուտբոլ, բասկետբոլ, թենիս, հոկեյ, բռնցքամարտ և ոչ միայն, ինտրիգային ու լարված մրցաշարերով:

«Շանթ Sport» հեռուստաալիքի եթերում կարելի է դիտել օրական 3-4 ուղիղ եթերում հեռարձակվող սպորտային հանդիպում, ինչը ենթադրում է, որ «Շանթ Sport»-ի աշխատանքը լինելու է նվազագույնը 8 ժամ ուղիղ եթերի ռեժիմով:

«Շանթ Sport»-ի եթերում հնարավոր է հետևել սպորտային աշխարհի իրադարձություններին՝ բնորոշ լարված պահերով, հույզերով ու սպասումներով շաբաթվա բոլոր օրերին ու ժամերին, 24/7 ռեժիմով:

Այսպիսով, «Շանթ Sport» HD հեռուստաալիքի շնորհիվ հեռուստադիտողը ոչ միայն կարող է հետևել համաշխարհային սպորտային անցուդարձին, այլև դիտել աշխարհահռչակ հայ մարզիկների ելույթները։

Կարևորելով բաժանորդների ցանկությունները և առաջարկները «Ռոստելեկոմը» մշտապես հեռարձակում է ամենաբարձր վարկանիշն ունեցող բովանդակությունը Սմարթ հեռուստատեսության եթերով՝ պարբերաբար թարմացնելով ու համալրելով լավագույն ժամանակակից հեռուստաալիքներով, այդ թվում՝ հայերենով։

 Ուշագրավ
Ֆոնսեկան հայտարարել է, որ ակումբը մտադիր է թիմում պահել վարձակալությամբ հանդես եկող Մխիթարյանին և Սմոլինգին
Նա նշել է, որ մարզչական խորհրդի որոշումն ապօրինի է և ոչ պրոֆեսիոնալ
10 լավագույն մարզիկը 5 մլն-ական դրամով կպարգևատրվեն
Փաշինյանը նշել է, որ սպորտի զարգացումն երկրում տնտեսության զարգացման լավագույն նշանն է