ԶԼՄ-ներ. Հունաստանը արգելափակելու է Թուրքիային սատարող ՆԱՏՕ-ի հայտարարությունը

ԶԼՄ-ներ. Հունաստանը արգելափակելու է Թուրքիային սատարող ՆԱՏՕ-ի հայտարարությունը

PanARMENIAN.Net - Հունաստանը որոշել է արգելափակել Իդլիբում իրավիճակի վերաբերյալ ՆԱՏՕ-ի հայտարարությունը, որով դաշինքը որոշել է աջակցություն հայտնել Թուրքիային՝ Սիրիայի կառավարական ուժերի հարվածի հետևանքով 33 թուրք զինծառայողի մահվան կապակցությամբ։ Այդ մասին հայտնել է To Vima-նա` սեփական աղբյուրներին հղումով։

Ըստ թերթի` վետո դնելու կարգադրություն է արել Հունաստանի ԱԳ նախարար Նիկոս Դենդիասը։ Որպես նման որոշման պատճառ նշվում է այն հանգամանքը, որ ՆԱՏՕ-ն հրաժարավել է բանաձևում ներառել Թուրքիային ուղղված 2016-ի համաձայնագիրը պահպանելու պահանջը։ Դրանով Թուրքիան պարտավորվել էր խոչընդոտել այլ երկրների փախստականների կողմից ԵՄ երկրների հետ սահմանի հատումը, գրում է ՌԲԿ-ն։

ՆԱՏՕ-ի մի քանի անդամ համամիտ չի եղել Հունաստանի պահանջին, այդ թվում` Մեծ Բրիտանիան, Ֆրանսիան, Գերմանիան և ԱՄՆ-ն։ Ուստի Աթենքը որոշել է խստացնել իր դիրքորոշումը։

Ավելի վաղ Հունաստանի վարչապետ Կիրյակոս Միցոտակիսը հայտարարել էր, որ եթե Թուրքիան կատարի իր սպառնալիքը և թույլ տա փախստականների շարժը, Հունաստանն ամեն ինչ կանի իր տարածք ներգաղթյալների մուտքը թույլ չտալու համար։ Նա հայտարարել է նաև, որ իր երկիրը ոչ մի կապ չունի Իդլիբի իրադարձությունների հետ և չի ցանկանում պատասխանատու լինել այլ երկրների որոշումների հետևանքների համար։

ՆԱՏՕ-ն Թուրքիային սատարող հայտարարություն է պատրաստել, երբ Իդլիբում սիրիական կողմի գնդակոծության հետևանքով 33 թուրք զինծառայող սպանվեց։

 Ուշագրավ
Գինը վերջնական չէ, բանակցություններն ընթանում են։
Պատվաստված կամավորները կորոնավիրուսի դեմ իմունիտետ են ձեռք բերել
Նա նշել է, որ ԱԳ նախարար Էլմար Մամեդյարովը որևէ կերպ չի արձագանքել հուլիսի 12-ին իրադարձություններին
Զինվորականը սպանվել է հուլիսի 14-ի առավոտյան