Հայրենադարձվողներն ավելի շատ գույք կբերեն ՀՀ՝ առանց մաքսատուրքի 5 մարտի 2020 - 16:19 AMT PanARMENIAN.Net - Կառավարությունը հայերնադարձվող հայերի համար բարենպաստ պայմաններ է ստեղծում իրենց անձնական գույքն առանց մաքսատուրքի Հայաստան ներմուծելու համար, հայտարարել է վարչապետ Նիկոլ Փաշինյանը: Նրա խոսքով՝ մինչ օրս հայրենադարձերի համար գույքի միայն որոշակի չափաքանակ կար, որ հնարավոր էր առանց մաքսատուրքի երկիր ներմուծել: «Նախկին կարգավորումներում հիմնական խոչընդոտն այն էր, որ անձը վերջին հինգ տարվա ընթացքում, յուրաքանչյուր տարվա 180 և ավելի օր պետք է ՀՀ-ում գտնված չլիներ, որպեսզի այդ արտոնությունը կիրառվեր: Հետևաբար, այնպիսի պայման էր առաջադրված, որ մաքսատուրքից ազատման արտոնությունը քիչ դեպքերում կարող էր կիրառվել: Մենք այժմ ավելի լավ սահմանում ենք տվել «անձնական օգտագործման ապրանքներ» հասկացությանը, որպեսզի դրա շրջանակում անձն ազատվի մաքսատուրքից»,- ասել է Պետական եկամուտների կոմիտեի նախագահ Դավիթ Անանյանը: Նա նշել է, որ նոր կարգավորմամբ առաջարկվում է փոխել 5 տարվա նորմը. արտոնությունը կկիրառվի այն դեպքում, երբ 1825 օրվա ընթացքում անձը 915 օր չի գտնվել Հայաստանում: «Այսինքն՝ ոչ թե յուրաքանչյուր տարի, այլ 5 տարվա կտրվածքով պետք է հաշվենք, թե անձը քանի օր չի գտնվել ՀՀ-ում: Ընդ որում՝ ոչ թե հաջորդական օրերի մասին է խոսքը, այլ՝ կամայական»,- ասել է Անանյանը: ՊԵԿ նախագահը նշել է նաև, որ արտոնությունը կիրառվում է կենցաղային և անձնական օգտագործման սարքերի դեպքում՝ յուրաքանչյուր տեսակից 3 հատ: Ընդ որում, սա վերաբերում է արտոնություն ստացած յուրաքանչյուր անձի: Անանյանը բացատրել է, որ եթե 3 հոգուց բաղկացած ընտանիքով են գալիս Հայաստան և երեքն էլ ստացել են կարգավիճակ, որը փաստաթղթավորվելու է ոստիկանությունում, ապա երեքն էլ ստանում են այդ արտոնությունը: Միայն ավտոմեքենայի դեպքում կարգն այլ է՝ յուրաքանչյուրը կարող է ներկրել մեկ մեքենա: Նույն կարգավորումը, ըստ Անանյանի, գործելու է նաև ՀՀ քաղաքացի չհանդիսացող անձանց նկատամամբ, սակայն այն բանից հետո, երբ նա Հայաստանում ստանա որևէ կարգավիճակ՝ լինի դա հատուկ կարգավիճակ, կացության կարգավիճակ թե այլ: Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | Վրացի խորհրդարանականներն այցելել են Ծիծեռնակաբերդ Հյուրերը ծաղիկներ են խոնարհել Հայոց ցեղասպանության զոհերի հիշատակը հավերժացնող անմար կրակի մոտ Գաբրիելյանը և Միքանաձեն կրթական ոլորտում գործակցության համատեղ հայտարարություն են ստորագրել Փաստաթուղթն ինստիտուցիոնալ հենքի վրա կդնի երկու հանձնաժողովների գործունեությունը Ադրբեջանի ՄԻՊ–ն այցելել է Ստեփանակերտում մնացած հայերին՝ խոցելի խմբերի համար կացարանում Շահրամանյանն ասել է, որ Արցախում շարունակում է մնալ 10-11 մարդ ՀՀ-ից Գազա մարդասիրական օգնություն տանող ինքնաթիռը հասել է Եգիպտոս Օգնությունը ներառում է սնունդ, դեղորայք և բժշկական պարագաներ |