Կոնգրեսը սահմանափակել է Թրամփի ռազմական լիազորությունները

Կոնգրեսը սահմանափակել է Թրամփի ռազմական լիազորությունները

PanARMENIAN.Net - ԱՄՆ Կոնգրեսը բանաձև է ընդունել, որով սահմանափակվում են երկրի նախագահ Դոնալդ Թրամփի ռազմական լիազորություններն Իրանի հարցում:

Փաստաթղթին կողմ է քվեարկել Ներկայացուցիչների պալատի 227 անդամ, դեմ՝ 186 կոնգրեսական, գրում է Deutsche Welle-ն:

Փաստաթղթով Թրամփին արգելվում է ռազմական գործողություններ սկսել Իրանի դեմ առանց Կոնգրեսի նախնական հավանության:

«Եթե նախագահ Թրամփը լուրջ է վերաբերվում անվերջ պատերազմները դադարեցնելու իր խոստմանը, նա կստորագրի բանաձևը»,- ասել է բանաձևի նախաձեռնող, դեմոկրատ սենատոր Թիմ Քեյնը:

Սակայն նախագահը կարող է վետո դնել փաստաթղթին:

2020-ի հունվարին ԱՄՆ կողմից Բաղդադի օդանավակայանի հրթիռակոծման հետևանքով սպանվել է իրանցի գեներալ, Իսլամական հեղափոխության պահապանների կորպուսի «Ղոդս» հատուկ ստորաբաժանման ղեկավար Ղասեմ Սոլեյմանին։ Ավիահարվածը հասցվել է ԱՄՆ նախագահ Դոնալդ Թրամփի հրամանով, Կոնգրեսը հարձակման մասին նախապես տեղյակ չէր պահվել։

 Ուշագրավ
Նա նաև ասել է, որ տարածաշրջանային անվտանգությունը պետք է ապահովեն տարածաշրջանի երկրները
Նա հավելել է, որ թուրքական կողմն ավարտել է Նախիջևանի և Կարսի միջև 224 կմ երկարությամբ երկաթուղային գծի կառուցումը
Փետրվարի 1-ին Միջազգային քրեական դատարանը իրավասություն է ստանալու հետաքննել Ալիևի գործողությունները
Նա նշել է, որ դիտարկում է հայկական բանակին «ոչ մահաբեր ձևաչափով» աջակցություն ցուցաբերելու հնարավորությունը, բայց կոնկրետ որոշումներ չկան
---