ՀՀ-ում կորոնավիրուսի վարակակիրների թիվը հասել է 26-ի։ Առողջապահության նախարար Արսեն Թորոսյանի հաղորդմամբ` դեպքերից մեկը գրանցվել է Մեղրիում, Իտալիայից վերջերս վերադարձած քաղաքացու մոտ, մյուս երկուսն Էջմիածնի հայտնի դեպքի հետ փոխկապակցված են։
«Հանրագումարով` այս պահին ունենք հաստատված 26 դեպք: Մինչ օրս կատարվել է նոր կորոնավիրուսի հայտնաբերման 577 հետազոտություն: Այս պահին մեկուսացված է 300 քաղաքացի»,- նշել է նա։
Նախարարը նշել է, որ նոր դեպքի հետ սերտ շփվածները հայտնաբերվում են, որ մեկուսացվեն։
Կարդացեք նաև․ Կորոնավիրուսից խուսափելու համար խորհուրդներ` ԱՀԿ-ից