Կորոնավիրուսը՝ տարածաշրջանում. Մարտի 26-ի թարմացումները

Կորոնավիրուսը՝ տարածաշրջանում. Մարտի 26-ի թարմացումները

PanARMENIAN.Net - Վրաստանում կորոնավիրուսով վարակվածների թիվը հասել է 79-ի։ Այդ մասին ասվում է հիվանդության մշտադիտարկման հատուկ կայքում։ 10 պացիենտն ապաքինվել է, կարանտինում 4346 մարդ կա, հսկողության տակ՝ 247։

Իրանում կորոնավիրուսով վարակման 29,406 դեպք կա, որից 2234-ը՝ մահվան ելքով։ Ապաքինվել է 10,457 մարդ;

Մարտի 26-ի դրությամբ ՌԴ-ում 182 նոր դեպք է գրանցվել, որից 136-ը՝ Մոսկվայում։ Ընդհանուր առմամբ, Ռուսաստանում 840 հիվանդ կա. ապաքինվել է 38-ը, մահացել՝ 2-ը։

Թուրքիայում կորոնավիրուսով վարակվածների թիվը հասել է 2433-ի, մահացել է 59 մարդ։ Այդ մասին հայտնել է առողջապահության նախարար Ֆահրեդդին Քոջան։

Ադրբեջանում կորոնավիրուսով 122 հիվանդ է գրանցվել, մահացել է 3-ը։ Այդ մասին հայտնել է երկրի օպերատիվ շտաբը։ Ապաքինվել է 15 մարդ։

Հայաստանում մարտի 26-ի առավոտվա դրությամբ կորոնավիրուսով վարակի դեպքերի թիվը հասել է 290-ի` նախորդ օրվա համեմատ ավելանալով 25-ով: Ապաքինվել է 18 անձ։ Մարտի 26-ին գրանցվել է կորոնավիրուսից առաջին մահվան դեպքը՝ մահացել է 72-ամյա հիվանդը։ Ակտիվ հիվանդների քանակը երկրում 271 է։

ՀՀ-ում մարտի 16-ից մինչև ապրիլի 14-ն արտակարգ դրություն է՝ կորոնավիրուսի տարածումը կանխելու համար: Մարտի 25-ից երկրում 7 օրով գործում է քաղաքացիների տեղաշարժի սահմանափակում:

 Ուշագրավ
Գերմանիայի կանցլերն առաջիկա օրերին պարբերաբար կորոնավիրուսի թեստ կհանձնի
Քաղաքացիներին հրահանգվել է մնալ տանը, դուրս գալ միայն ծայրահեղ անհրաժեշտության դեպքում
Կազմակերպությունը նաև տեսանյութ է հրապարակել
Չեխիայի քաղաքացիներին կարգելվի նաև մեկնել երկրից