Կորոնավիրուսը տարածաշրջանում. Վրաստան, Իրան, ՌԴ, Թուրքիա և Ադրբեջան

Կորոնավիրուսը տարածաշրջանում. Վրաստան, Իրան, ՌԴ, Թուրքիա և Ադրբեջան

PanARMENIAN.Net - Վրաստանում կորոնավիրուսով վարակվածների թիվը հասել է 100-ի, առողջացել է 18 մարդ: Երկրում մեկուսացման մեջ են գտնվում 4978 հոգի, հսկողության տակ՝ 266 մարդ, հայտնում է կորոնավիրուսի մոնիթորինգի հատուկ կայքը:

Իրանում մեկ օրում 3186 մարդ վարակվել է կորոնավիրուսով, մահացել է 117 մարդ, հայտնել է երկրի առողջապահության նախարարության ներկայացուցիչ Կիանուշ Ջահանպուրը:

Ընդհանուր առմամբ՝ երկրում կորոնավիրուսով վարակված է 41,495 մարդ, մահացել է 2757 հոգի: 3511-ի վիճակը բժիշկները գնահատոմ են ծանր, առողջացել է 13,911 պացիենտ:

Ռուսաստանում 1836 հոգի վարակվել է կորոնավիրուսով, բժշկական հսկողության տակ է գտնվում մոտ 194,000 հոգի: Երկրում մահվան 10 դեպք է գրանցվել, առողջացել է 66 հոգի:

Մեկ օրում Թուրքիայում կորոնավիրուսով վարակվածների թիվն ավելացել է 1800-ով՝ հասնելով 9217-ի: Գրանցվել է մահվան 131 դեպք, առողջացել է 568 մարդ, հայտնել է առողջապահության նախարար Ֆահրեթին Քոջան:

Ադրբեջանում կորոնավիրուսով վարակվածների թիվը հասել է 273-ի, մեկ օրում վարակվածների թիվն ավելացել է 64-ով: Երկրում առողջացել է 26 մարդ, մահացել՝ 4 հոգի:

ՀՀ-ում մարտի 16-ից մինչև ապրիլի 14-ն արտակարգ դրություն է՝ կորոնավիրուսի տարածումը կանխելու համար: Երկրում մինչև մարտի 31-ը տեղաշարժման խիստ սահմանափակումներ են գործում: Մարտի 30-ի առավոտվա դրությամբ ՀՀ-ում կորոնավիրուսի հաստատված դեպքերի թիվը հասել է 482-ի: Հայաստանում 3 հոգի մահացել է կորոնավիրուսից, վերականգնվել է 30 հոգի:

Առողջապահության նախարարությունում գործում է շուրջօրյա «թեժ գիծ» ծառայություն 8003 և «օպերատիվ զանգերի կենտրոն» 060838300 հեռախոսահամարներով:

Ընթերցեք նաև․ Կորոնավիրուսից խուսափելու համար խորհուրդներ` ԱՀԿ-ից

 Ուշագրավ
Գերմանիայի կանցլերն առաջիկա օրերին պարբերաբար կորոնավիրուսի թեստ կհանձնի
Քաղաքացիներին հրահանգվել է մնալ տանը, դուրս գալ միայն ծայրահեղ անհրաժեշտության դեպքում
Կազմակերպությունը նաև տեսանյութ է հրապարակել
«Ես նույնպես վախենում եմ, բայց ոչ թե խանութ, այլ աշխատանքի գնալուց»,- ասել է նա