Կորոնավիրուսի դեմ պայքարի «շվեդական մեթոդը» չաշխատեց․ Երկրում մահերն աճում են

Կորոնավիրուսի դեմ պայքարի «շվեդական մեթոդը» չաշխատեց․ Երկրում մահերն աճում են

PanARMENIAN.Net - Ապրիլի 7-ի դրությամբ վերջին 24 ժամվա տվյալներով Շվեդիայում հաստատվել է կորոավիրուսից մահվան 114 դեպք, փոխանցում է NV-ն։

Երկրի գլխավոր համաճարակաբան Անդրես Թեգնելը հայտնել է, որ միջինում Շվեդիայում մահացության օրական ցուցանիշը մոտ 40 դեպքի է հասնում։

Ավելի վաղ Meduza-ն հայտնել էր, որ Շվեդիայում կորոնավիրուսից մահացության ցուցանիշն ավելի բարձր է, քան Սկանդինավյան մյուս երկրներում։

Միջազգային հետազոտական ինստիտուտների տվյալներով՝ Շվեդիայում ապրիլի 7-ի դությամբ 7693 մարդու մոտ կորոնավիրուս է հաստատվել, նախորդ օրվա համեմատ դեպքերի թիվն աճել է 487-ով։ Երկրում վիրուսից մահացել է 591 մարդ, վերականգնվել՝ մոտ 200։

Երկրում մինչև հիմա կորոնավիրուսի պատճառով խիստ կարանտին սահմանված չի եղել։ Մինչև մարտի վերջ չկային հակահամաճարակային սահմանափակումներ, քաղաքացիները կարող էին միջոցառումների մասնակցել, ուսհաստատությունները գործում էին։ Երկրի գլխավոր համաճարակաբանը հայտարել էր, որ, հաշվի առնելով առողջապահության ոլորտում աշխատողների թիվը, նրանց՝ տանն ինքնամեկուսանալն առավել վտանգավոր կլինի։ Շվեդիան ընտրել էր առողջապահական համակարգը չծանրաբեռնելու քաղաքականություն՝ համարելով, որ մինչ վիրուսը կտարածվի, ի հայտ կգա նաև «կոլեկտիվ իմունիտետ» կամ կստեղծվի պատվաստանյութ։

Չնայած կարանտինային խիստ միջոցների չանցնելու որոշմանը՝ Շվեդիայում, այնուամենայնիվ, Կառավարությունն ու խորհրդարանն ապրիլի 6-ից սկսել են քննարկել կորանավիրուսի դեմ պայքարի մեթոդները խստացնելու, ինքնամեկուսացման ռեժիմ մտցնելու հարցերը։

Ապրիլի 4-ին երկրի վարչապետ Ստեֆան Լյովենը հայտնել էր, որ կորոնավիրուսի հետ կապված ճգնաժամը մեկ ամիս կտևի և սպասվում են հազարավոր մահեր։

Աշխարհում կորոնավիրուսով վարկավել է 1․3 մլն մարդ, մահացել է 75,000 հոգի, վերականգնվել՝ 290,000 պացիենտ։

 Ուշագրավ
Գերմանիայի կանցլերն առաջիկա օրերին պարբերաբար կորոնավիրուսի թեստ կհանձնի
Քաղաքացիներին հրահանգվել է մնալ տանը, դուրս գալ միայն ծայրահեղ անհրաժեշտության դեպքում
Կազմակերպությունը նաև տեսանյութ է հրապարակել
«Ես նույնպես վախենում եմ, բայց ոչ թե խանութ, այլ աշխատանքի գնալուց»,- ասել է նա