Ապրիլի 27-ին Երևան-Պետերբուրգ-Մոսկվա չվերթ կիրականացվի, որով կմեկնեն ՌԴ քաղաքացիները։

«Ըստ արտերկրից ՌԴ քաղաքացիների տարհանման ժամանակացույցի` Երևան-Պետերբուրգ-Մոսկվա № AFL1861 չվերթը կիրականացվի ապրիլի 27-ին, Երևանի ժամանակով 13։45-ին»,- ասել է ՌԴ հաղորդակցությունների և կապի նախարարության ներկայացուցիչը, գրում է ՌԻԱ Նովոստին։

Նա նշել է, որ այդ չվերթով կարող են մեկնել ՌԴ միայն այն քաղաքացիները, որոնք բնակվում են Մոսկվայում, Մոսկովյան շրջանում, Սանկտ Պետերբուրգում և Լենինգրադյան շրջանում։

Ապրիլի 6-ին, 7-ին և 12-ին երեք չվերթով իրականացվել է Մոսկվայում գտնվող ՀՀ քաղաքացիների վերադարձը։ Ապրիլի 19-ին և 20-ին օրը երկու չվերթ է իրականացվել Կրասնոդարից և Դոնի Ռոստովից: Ապրիլի 22-ին ևս մեկ թռիչք է եղել Մոսկվայից, իսկ ապրիլի 23-ին՝ Սանկտ Պետերբուրգ-Մոսկվա-Երևան չվեթրն է իրականացվել։