«Դալման», «Երևան մոլը» ու «Ռիոն» նույնպես բացվում են

«Դալման», «Երևան մոլը» ու «Ռիոն» նույնպես բացվում են

PanARMENIAN.Net - Մայիսի 18-ից իրենց դռները կբացեն նաև «Դալմա», «Երևան մոլ», «Ռիո» և մյուս առևտրի կենտրոնները։ Այդ մասին հայտարարվել է դրանց ֆեյսբուքյան էջերում։

«Ո՞րքան ժամանակ է չենք հանդիպել։ Կարոտել եք չէ՞․․․ Մենք նույնպես կարոտել ենք Ձեզ։ Ուրախ ենք տեղեկացնել, որ Դալմա Գարդեն մոլը՝ պահպանելով անվտանգության բոլոր սահմանված կանոնները, վերաբացվում է։ Մայիսի 18-ից մենք սիրով սպասում ենք Ձեզ մեզ մոտ»,- ասվում է «Դալմայի» հայտարարության մեջ։

«Երևան մոլի» հայտարարության մեջ ասվում է․ «Շտապում ենք տեղեկացնել, որ մայիսի 18-ից սիրով սպասում ենք բոլորիդ Երևան Մոլում, որտեղ պահպանվում են անվտանգության բոլոր կանոնները»։

«Հաճախորդների համար բոլոր մուտքերի մոտ դրված են ախտահանիչներ (ալկոգելեր)։ Ձեզ հիշեցնում և խնդրում ենք. Պարտադիր կրե՛լ պաշտպանիչ դիմակներ, ախտահանե՛լ ձեռքերը, պահպանե՛լ սոցիալական հեռավորություն»,- ասվում է «Ռիոյի» գրառման մեջ:

ՀՀ-ում մարտի 16-ից հաստատված արտակարգ դրությունը երկարաձվել է մինչև հունիսի 13-ը, սակայն սահմանափակումներից շատերը կմեղմացվեն, կամ կչեղարկվեն։

 Ուշագրավ
Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները
Առաջարկվում է նաև տուգանային միավոր սահմանել նաև լուսաթափանցելիության կանոնի խախտման համար
Ամփոփվել են միասնական քննությունների առաջին փուլի արդյունքները
Հաջորդ հումանիտար բեռը նախատեսվում է տրամադրել Խարկովի հիվանդանոցներից մեկին
---