Քոչարյան․ Ապրիլյան հանձնաժողովի աշխատանքի արդյունքները սեպտեմբերին կներկայացվեն

Քոչարյան․ Ապրիլյան հանձնաժողովի աշխատանքի արդյունքները սեպտեմբերին կներկայացվեն

PanARMENIAN.Net - Ազգային ժողովի նոր նստաշրջանի մեկնարկին (աշնանը) Ապրիլյան պատերազմի հանգամանքներն ուսումնասիրող քննիչ հանձնաժողովը հանրության կներկայացնի աշխատանքների արդյունքներրը, հայտնել է հանձնաժողովի նախագահ, «Իմ քայլը» խմբակցության պատգամավոր Անդրանիկ Քոչարյանը։

«Սեպտեմբերին պատրաստ կլինենք հանրությանը ներկայացնել այն կարևոր դրվագները, որոնք հուզում են բոլորին», - ասել է նա, փոխանցում է Aysor.am-ը։

Քոչարյանը նշել է, որ հանձնաժողովն աշխատանքի ընթացքում բավականին տեղեկատվություն է ստացել, ինչը հնարավորություն է տալիս ունենալ ամբողջական վերլուծություն։

Նրա խոսքով՝ առաջիկայում կհրապարակվեն թույլատրելի բոլոր հարցերի պատասխանները, այդ թվում՝ գաղտնիություն պարունակող հարցերը՝ պետական գաղտնիքի մասին օրենքի բավարարմամբ։

Ապրիլյանի հարցերը քննող հանձնաժողովն աշխատանքները կավարտի հունիսի 4-ին։ Ավելի վաղ հանաձնաժողով էին հրավիրվել և Ապրիլյանի մասին հարցերի պատասխանել ՀՀ երրորդ նախագահ Սերժ Սարգսյանը, ՀՀ նախկին վարչապետ Կարեն Կարապետյանը և այլք։

 Ուշագրավ
Նալբանդյանն ավելի վաղ համաձայնել էր տեսակապով զրուցելուն
Ըստ ԼՀԿ-ի՝ միջադեպը և դրան հաջորդած մեկնաբանությունները վկայում են կառավարող թիմի անհանդուրժողականության մասին
«Իմ քայլը» խմբակցության ղեկավարն իրենց անունից ներողություն է խնդրել միջադեպի համար
Քրեադատավարական գործընթացն արդեն սկսվել է, նախապատրասվում են նյութեր