ԱԱՏՄ․ Մինչև մայիսի 22-ը 24 ժամով կասեցվել է մոտ 580 տնտեսվարողի գործունեությունը

ԱԱՏՄ․ Մինչև մայիսի 22-ը 24 ժամով կասեցվել է մոտ 580 տնտեսվարողի գործունեությունը

PanARMENIAN.Net - ՀՀ առողջապահական և աշխատանքի տեսչական մարմնի արձանագրած խախտումների հիմքով՝ մարտի 23-ից մայիսի 22-ը Պարետի որոշմամբ ժամանակավորապես կասեցվել է Երևանի և մարզերի մոտ 580 տնտեսվարողի գործունեությունը, կասեցումը 24 ժամով է։

ԱԱՏՄ-ից հայտնում են, որ մշտադիտարկվում է տնտեսվարողների մոտ կորոնավիրուսի տարածումը կանխարգելելուն ուղղված՝ ՀՀ պարետի հաստատած անվտանգության կանոնների պահպանումը։ Դիտարկվում են թե խոշոր տնտեսվարողներ` սուպերմարկետների ցանցերի մասնաճյուղեր, արտադրություն, շինարարություն, թե փոքր օբյեկտներ` դեղատներ, վարսավիրանոցներ, ատամնաբուժարաններ և այլն։ «Արձանագրվող հիմնական խախտումներից են աշխատողների կողմից դիմակ, ձեռնոց չկրելը, ախտահանման աշխատանքների թերի կատարումը, ջերմաչափման և գրանցամատյանների վարման ոչ պատշաճ իրականացումը և այլն»,-ասվում է հաղորդագրության մեջ։

ԱԱՏՄ վերահսկողական աշխատանքի համար հիմք են ընդունվում նաև թեժ գծով՝ 8107 և առցանց ստացված բողոքները։ Տեսչական մարմինը հունվարի 24-ից շարունակում է աշխատել ուժեղացված վերահսկողական ռեժիմով։

 Ուշագրավ
ՀՀ-ի գերխնդիրն այս պահին այն է, որ առողջապահական համակարգը կարողանա ապահովել հիվանդների սպասարկման հարցը
Վարչապետի խոսքով՝ ձեռքերի կանոնավոր լվացման, դիմակի կրման և սոցիալական հեռավորության պահպանման դեպքում համաճարակային իրավիճակը ոչ միայն կբարելավվի, այլ նաև կձգտի 0-ի
Մանկապարտեզները վերաբացվելու են մայիսի 20-ից
2020-ի պետբյուջեով նախագծին արդեն տրամադրվել է 526 մլն դրամից ավելի