Թորոսյան․ 250 ծանր հիվանդ կա, 48՝ ծայրահեղ ծանր

Թորոսյան․ 250 ծանր հիվանդ կա, 48՝ ծայրահեղ ծանր

PanARMENIAN.Net - Մայիսի 25-ի երեկոյի դրությամբ ՀՀ-ում կորոնավիրուսով 250 ծանր հիվանդ կա, որից 48-ի վիճակը ծայրահեղ ծանր է։ Այդ մասին ֆեյսբուքյան իր էջում տեղեկացրել է առողջապահության նախարար Արսեն Թորոսյանը։

Նա նշել է նաև, որ 16 անձ միացված է արհեստական շնչառության սարքի։

Մայիսի 24-ին Թորոսյանը հայտնել էր, որ կորոնավիրուսի համար ծավալված 186 ռեանիմացիոն մահճակալից զբաղված է 154-ը, ազատ՝ 32-ը: Մայիսի 25-ին, սակայն,, հայտնի դարձավ, որ մահճակալային ֆոնդը ավելացել է 102-ով՝ շահագործման է հանձնվել «Սուրբ Աստվածամայր» ԲԿ-ի ինֆեկցիոն մասնաճյուղի նոր մասնաշենքը։

Թորոսյանն ավելի վաղ հայտարարել էր, որ այսուհետ կորոնավիրուսային հիվանդության թեստի դրական արդյունքով հարյուրավոր քաղաքացիներ, որոնք չունեն ախտանշաններ կամ ունեն շատ թեթև, մեկուսացման վայրերից վերադառնալու են տուն, իսկ նոր ախտորոշված քաղաքացիները չեն մեկուսացվելու հյուրանոցներում կամ հիվանդանոցներում:

 Ուշագրավ
ՀՀ ԱԻՆ-ը երկրաշարժ էր գրանցել նաև հունիսի 30-ին։
Նա այժմ բուժում է կորոնավիրուսով վարակված ծայրահեղ ծանր պացիենտներին
Նախարարը կոչ է արել ինքնաբուժմամբ չզբաղվել և հետևել միայն բժիշկների խորհուրդներին
ՀՀ-ի գերխնդիրն այս պահին այն է, որ առողջապահական համակարգը կարողանա ապահովել հիվանդների սպասարկման հարցը