ՌԴ-ում կորոնավիրուսի դեպքերը մոտենում են 400,000-ի

ՌԴ-ում կորոնավիրուսի դեպքերը մոտենում են 400,000-ի

PanARMENIAN.Net - Մայիսի 30-ի դրությամբ Ռուսաստանում կորոնավիրուսով վարակի 8952 նոր դեպք է գրանցվել երկրի 83 շրջանում, հայտնում է օպերատիվ շտաբը։ Վարակակիրների ընդհանուր քանակը հասել է 396,575-ի։

Նոր պացիենտների 42%-ի մոտ ախտանիշներ չեն եղել և վարակը հայտնաբերվել է միայն թեստավորման արդյունքում, գրում է «Վեդոմոստին»։

ՌԴ-ում կորոնավիրուսից ընդհանուր առմամբ մահացել է 4555 մարդ՝ նախորդ օրվա համեմատ ավելանալով 181-ով։ Մահվան դեպքերի մեծ մասը Մոսկվայում է գրանցվել՝ 78, որը ռեկորդային ցուցանիշ է։

Մոսկվայում ինքնամեկուսացման ռեժիմը երկարացվել է մինչև հունիսի 14-ը։

Մեկ օրում ապաքինվել է 8212 մարդ, ընդհանուր առմամբ առողջացել է 167,469 մարդ։

Ըստ ամերիկյան Ջոնս Հոփքինսի համալսարանի տվյալների, աշխարհում կորոնավիրուսով վարակի դեպքերը հասել են 5․9 մլն։ Ավելի քան 365,000 մարդ մահացել է։ ՌԴ-ն 3-րդն է աշխարհում վարակակիրների թվով։ Առաջին տեղում ԱՄՆ-ն ՝ 1․7 մլն վարակակիրներով, երկրորդը Բրազիլիան է, որտեղ 465,000 հիվանդ կա։

Photo. TASS
 Ուշագրավ
Գինը վերջնական չէ, բանակցություններն ընթանում են։
Պատվաստված կամավորները կորոնավիրուսի դեմ իմունիտետ են ձեռք բերել
Նա նշել է, որ ԱԳ նախարար Էլմար Մամեդյարովը որևէ կերպ չի արձագանքել հուլիսի 12-ին իրադարձություններին
Զինվորականը սպանվել է հուլիսի 14-ի առավոտյան