ՌԴ-ում առաջարկում են վերսկսել ավիահաղորդակցությունն ԱՊՀ երկրների հետ

ՌԴ-ում առաջարկում են վերսկսել ավիահաղորդակցությունն ԱՊՀ երկրների հետ

PanARMENIAN.Net - Ռուսաստանում առաջարկում են վերսկսել ավիահաղորդակցությունն այլ երկրների հետ։ Ռոսավիացիայի ղեկավար Ալեքսանդր Ներադկոն նամակ է գրել Ռոսպոտրեբնադզոր և ՌԴ փոխվարչապետ Տատյանա Գոլիկովայի աշխատակազմ` առաջարկելով փուլ առ փուլ չեղարկել միջազգային թռիչքների բոլոր սահմանափակումները՝ սկսելով ԱՊՀ երկրներից։ Այդ մասին գրել է «Կոմերսանտը» մի քանի աղբյուրի վրա հղումով։

Ներադկոն առաջարկում է վերսկսել ավիահաղորդակցությունը՝ ղեկավարվելով համաճարակային իրավիճակով երկրներում։ Պաշտոնապես գերատեսչությունում տեղեկությունը չեն մեկնաբանել։

Գոլիկովայի քարտուղարությունից ասել են, որ Կորոնավիրուսի տարածման կանխարգելման օպերատիվ շտաբը հանձնարարել է ԱԳՆ-ին, Ռոսավիացիային և Ռոսպոտրեբնադզորին ուսումնասիրել ավիահաղորդակցության վերսկսման հնարավորությունը։ Հարցը քննարկվում է, ասել են քարտուղարությունում։

ՌԴ այցերի և երկրից մեկնելու սահմնափակումները գործում են մարտից կորոնավիրուսի պանդեմիայի պատճառով։ Հունիսի 8-ին կառավարությունը թույլատրել է ՌԴ քաղաքացիներին մեկնել արտերկիր աշխատանքի, ուսման, բուժման կամ հարազատներին խնամելու նպատակով։ Օտարերկրացիներին նույնպես թույլատրվել է մուտք գործել ՌԴ բուժման նպատակով։

 Ուշագրավ
Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական
Կավելացվեն ծախսերը նաև հատուկ նշանակության նախագծերի ֆինանսավորման համար
---