Netflix-ը կարանտինում նկարահանված կարճամետրաժների ֆիլմաշար կթողարկի

27 հունիսի 2020 - 15:52 AMT

PanARMENIAN.Net - Netflix սթրիմինգային ծառայությունը հունիսի 30-ին կթողարկի 17 կարճամետրաժ ֆիլմերի շարքը, որոնք կարանտինի ժամանակ նկարահանել են հայտնի ռեժիսորներն ու դերասանները։

Ֆիլմաշարը կկոչվի Homemade։ Ֆիլմերը նկարահանվել են տարբեր երկրներում, գրում է esquire.ru-ն։

«Կորոնավիրուսի համաճարակի պատճառով տանը պարփակված կինեմատոգրաֆիստները ստեղծել են անձնական, հուզիչ պատմություններ, որոնք ամփոփում են մեր հավաքական կյանքի պատկերը կարանտինի պայմաններում»,-ասել են Netflix-ում։

Ընկերությունում նախագիծն անվանել են «կինոարտադրության վարպետության և ստեղծարար ուժի հաղթանակ գլոբալ պանդեմիայի պայմաններում»։

Նախագիծը մշակել են ռեժիսոր Պաբլո Լարաինը և նրա եղբայրը՝ Խուան դե Դիոս Լարաինը։ Մասնակցիները կարող էին օգտագործել միայն սարքավորումները, որ ունեին տանը։

Նախագծում ընդգրկվել են Լաջ Լիի, Պաոլո Սորենտինոյի, Ռեյչել Մորիսոնի, Պաբլո Լարաինի, Ռունգանո Նիոնի, Նատալիա Բերիսթայնի, Սեբաստյան Շիփերի, Նաոմի Կավասեի, Դևիդ Մաքքենզիի, Մեգգի Ջիլենհալի, Կրիստեն Ստյուարտի, Ջոննի Մայի, Նադին Լաբակիի և Հալեդ Մուզանարի, Անտոնի Կամպոսի, Գուրինդեր Չադհի, Սեբաստյան Լելիոյի և Անա Լիլի Ամիրպուրի ֆիլմերը։