Կուրն Ադրբեջանում ծանծաղել է․ Նեֆթչալայում խմելու ջրի խնդիր կա

Կուրն Ադրբեջանում ծանծաղել է․ Նեֆթչալայում խմելու ջրի խնդիր կա

PanARMENIAN.Net - Ադրբեջանում բնապահպանական աղետ է․ Կովկասի ամենամեծ գետը՝ Կուրը ծանծաղել է։ Իսկ Նեֆթչալայի 60 կիլոմետրանոց հատվածում Կասպից ծովի ջուրը խառնվել է գետաջրերի հետ և այնքան աղի դարձել, որ պիտանի չէ ոռոգման և եղջերավոր անասուններին ջրելու համար։ Որոշ տեղերում այդ պատճառով կենդանիների անկում է գրանցվել։

Նեֆթչալա քաղաքում և հարակից գյուղերում խմելու ջրի խնդիր է առաջացել։ Այն ջրատար մեքենաներով բերում են Սալյանի շրջանից, գրում է Haqqin.az-ը։

Օպերատիվ շտաբ է ստեղծվել, որը զբաղվում է բնակչությանը խմելու և տեխնիկական ջրի մատակարարմամբ։

Վերջին տարիներին գլոբալ տաքացման և ջրային ռեսուրսների սխալ օգտագործման պատճառով Ադրբեջանում Կուրի ջրերը նվազել են 25%-ով, իսկ Արաքսի՝ 60%-ով։ Կուրից է վերցվում Շիրվանի ՋԷԿ-ի սառեցման համար անհրաժեշտ ջուրը։

Կուր գետի սնուցումը խառն է՝ 36% ձյան հալոցքից, 20%՝ անձրևաջրերից, 14%՝ սառցադաշտային ջրերից։ Գետը սկիզբ է առնում հայկական բարձրավանդակի հյուսիսարևելյան հատվածում՝ ժամանակակից Թուրքիայի Կարսի նահանգում։ Կուրն անցնում է Վրաստանով, այնուհետև՝ Ադրբեջանով և լցվում Կասպից ծովը։ Սաբիրաբադ քաղաքի մոտ Կուրը խառնվում է Արաքսի հետ։ Գետի ընդհանուր երկարությունը 1515 կմ է։

 Ուշագրավ
Գինը վերջնական չէ, բանակցություններն ընթանում են։
Պատվաստված կամավորները կորոնավիրուսի դեմ իմունիտետ են ձեռք բերել
Նա նշել է, որ ԱԳ նախարար Էլմար Մամեդյարովը որևէ կերպ չի արձագանքել հուլիսի 12-ին իրադարձություններին
Զինվորականը սպանվել է հուլիսի 14-ի առավոտյան