Վրաստանում ՀՀ քաղաքացու մոտ Covid-19 է հաստատվել․ Դեղձ գնելու էր մեկնել

Վրաստանում ՀՀ քաղաքացու մոտ Covid-19 է հաստատվել․ Դեղձ գնելու էր մեկնել

PanARMENIAN.Net - Վրաստանում հուլիսի 9-ի դրությամբ գրանցված կորոնավիրուսի 5 նոր դեպքից 1-ը հայտնաբերվել է հայաստանցի վարորդի մոտ։ Նա Կախեթի Գուրջաանիի շրջանի Չումլակի գյուղ էր եկել դեղձ գնելու նպատակով։

Հիվանդությունն ախտորոշվել է երկրորդ թեստավորման արդյունքում՝ սահմանը հատելիս վարորդի առաջին թեստի պատասխանը բացասական է եղել։ Այժմ վարակված վարորդը գտնվում է Բոչորիշվիլու անվան հիվանդանոցում, գրում է Sputnik Georgia-ն:

Չումլակիում աշխատում են համաճարակաբանները՝ փորձելով պարզել վարակակրի կոնտակտները։ Ըստ մասնագետների` խոսքը ներմուծված դեպքի մասին է, ուստի վարակի աղբյուրը հնարավոր չէ պարզել։

Հուլիսի 9-ի դրությամբ Վրաստանում գրանցված 5 նոր դեպքից 4-ը հայտնաբերվել է երկիր մուտք գործած բեռնատարների վարորդների մոտ։

Ընդհանուր առմամբ, Վրաստանում կորոնավիրուս է ախտորոշվել ՀՀ 5 քաղաքացու մոտ՝ նրանք հիմնականում բեռնատարների վարորդներ են։

 Ուշագրավ
Գինը վերջնական չէ, բանակցություններն ընթանում են։
Պատվաստված կամավորները կորոնավիրուսի դեմ իմունիտետ են ձեռք բերել
Նա նշել է, որ ԱԳ նախարար Էլմար Մամեդյարովը որևէ կերպ չի արձագանքել հուլիսի 12-ին իրադարձություններին
Զինվորականը սպանվել է հուլիսի 14-ի առավոտյան