Աջապահյան. Աշխարհիկ պետությունը լավագույն լուծումը չէ , բայց մենք դրա դեմ չենք խոսում10 հուլիսի 2020 - 16:55 AMT PanARMENIAN.Net - Հայ առաքելական եկեղեցին չի ընդդիմացել 1991-ին աշխարհիկ պետություն ստեղծելուն, չնայած՝ աշխարհիկ պետությունը ժողովրդավարության, բերկրություն և խայտանք չէ, իսկ կրթական ոլորտում փոփոխությունների կոնցեպտը պետք է քննարկումներից ծնվեր, ոչ թե պարտադրվել՝ ասելով, թե ՀՀ-ն աշխարհիկ պետություն է, հայտարարել է Հայ առաքելական եկեղեցու Շիրակի թեմի առաջնորդ Գերաշնորհ Տ. Միքայել արքեպիսկոպոս Աջապահյանը, փոխանցում է Aravot.am-ը: Նախարար Հարությունյանն ավելի վաղ հայտարարել էր, որ Հայ եկեղեցու պատմություն առարկան Հայոց պատմությունից առանձնացնելը չի բխում աշխարհիկ պետության զարգացման տրամաբանությունից: ««Ի՞նչ է նշանակում, մենք այս կոնցեպտը վերցրել ենք, դուք էլ բարի եղեք քննարկեք: Անցյալ տարվա հունվար ամսին եղել է որոշում, որպեսզի ձևավորվեն աշխատանքային խմբեր և քննարկեն, և դրա քննարկումից հետո պետք է ծնվեր իր ասած կոնցեպտը, ոչ թե պարտադրվեր, որովհետև մենք աշխարհիկ պետություն ենք՝ ասելով: Էդ ո՞վ չգիտի, որ Հայաստանի Հանրապետությունն աշխարհիկ պետություն է, մենք երբևիցե դրա դեմ արտահայտվե՞լ ենք: Կամ, Երբ 1991-ին անկախությամբ որոշվեց աշխարհիկ պետություն ստեղծել, մենք դրան ընդդիմացե՞լ ենք, չէ՛, որովհետև աշխարհն այդ ուղղությամբ է գնում, թող գնա: Իհարկե, լավագույն լուծումը չէ աշխարհիկ պետությունը, այնպես չի, որ գագաթն է ժողովրդավարության, բերկրություն և խայտանք է: Բայց այդպես է որոշված: Մենք դրա դեմ չենք խոսում: Մենք ասել եք՝ պատրաստ ենք քննարկելու հարցը, հետո մեզ ասել են՝ այս կոնցեպտի շրջանակում պետք է քննարկումը լինի: Մոնոլո՞գ է, ինչ է, էդ մոնոլոգը երբվանի՞ց է համարվում քննարկում»,-ասել է նա: Հարությունյանն անդրադառնալով կրթական փոփոխությունների չափորոշինչներում «բարոյականություն» բառը չգրելուն ասել էր, թե «նույն եկեղեցու շրջանակում կան մարդիկ, ովքեր մեծ սեփականությւոն ունեն, բենթլիներով են շրջում, լինելով կուսակրոն՝ կուսակրոն չեն»: Անդրադառնալով բարոյականության մասին նախարարի դիտարկումներին՝ Շիրակի թեմի առաջնորդը նշել է, թե Հարությունյանը խոսում է ոչ թե առհասարակ բարոյական կերպարի մասին, այլ որոշ հոգևորականների բարոյական կերպարից, իսկ եկեղեցին ասում է, որ կրթության բարեփոխումների չափորոշիչում «բարոյականություն» բառը չկա: «․․․ Ի՞նչ կապ ունի մեր բարոյական կերպարը, գուցե, մենք ամենավերջին անբարոյականն ե՞նք, դրա համար էլ հասկանում ենք բարոյականության նշանակությունը, դրա համար էլ ասում ենք՝ բարոյականություն բառը չկա: Հո մենք չե՞նք ասում նախարարների մեջ անբարոյականները մեծ տոկոս են կազմում, ո՞վ է բարոյականություն սովորեցում: Դուք մի ամիս չեք կարող կուսակրոն մնալ, մենք ամբողջ կյանքներս ենք կուսակրոն մնում, հիմա դուք եկել եք կուսակրոնությո՞ւն եք բացատրում: Սա քննարկում չէ»,-ասել է հոգևորականը: Ընթերցեք նաև. Նախարար. Եկեղեցու պատմությունը առանձին անցնելը չի բխում աշխարհիկ պետության տրամաբանությունից Ուշագրավ Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Առաջարկվում է նաև տուգանային միավոր սահմանել նաև լուսաթափանցելիության կանոնի խախտման համար Ամփոփվել են միասնական քննությունների առաջին փուլի արդյունքները Ամենաընթերցվողը բաժնում | PROFAL ընկերությունն անակնկալ է մատուցել իր 30,000-րդ հաճախորդին Էդգար Ավետիսյանը նշել է՝ ընկերության հաջողությունների հիմքում նաև հաճախորդներն են Երևանում կբացվի քանդակագործ Մկրտիչ Մազմանյանի ցուցահանդեսը՝ նվիրված Ազնավուրին Բացման օրը տեղի կունենա նաև քանդակագործի աշխատանքներին ու ստեղծագործական կյանքին նվիրված գրքի շնորհանդեսը Տաթևի վանքի շրջակայքում պտղատու այգի է հիմնվում՝ ի զորակցություն Ռուբեն Վարդանյանի և գերեվարված հայրենակիցների Ծրագրին կարող են մասնակցել բոլորը՝ այցելելով գործակալության կայք և ձեռք բերել անվանական ծառ` սեղմելով «Տնկել ծառ» կոճակը Համազեկուցող․ ԵԽԽՎ վերադառնալու համար Բաքուն պետք է մի շարք պահանջներ կատարի Ադրբեջանը նաև պետք է իր պարտավորությունները կատարի մարդու իրավունքների ոլորտում |