IPChain-ի ղեկավարությունը և Գարեգին Բ-ն քննարկել են բլոկչեյնի զարգացումը

IPChain-ի ղեկավարությունը և Գարեգին Բ-ն քննարկել են բլոկչեյնի զարգացումը

PanARMENIAN.Net - Ռուսաստանյան IPChain ասոցիացիայի ներկայացուցիչները և կաթողիկոս Գարեգին Երկրորդը քննարկել են Հայաստանում բլոկչեյն ենթակառուցվածքի զարգացումը։ Այս մասին հայտնում է ՏԱՍՍ գործակալությանը։

«Խոսել ենք երկրի տնտեսության զարգացման հետագծի փոփոխության հնարավորությունների, ռեսուրսային մոդելից մարդկային կապիտալի տնտեսություն անցում կատարելու մասին»,- ասել է IPChain-ի նախագահ Անդրեյ Կրիչևսկին։

Նրա խոսքով՝ Գարեգին Երկրորդն օրհնել է հայ գործընկերների հետ իրականացվող այն նախագծերը, որոնք ուղղված են ստեղծարար ոլորտների և մարդկային կապիտալի զարգացմանը։

«Մեզ համար շատ կարևոր է՝ Նորին Սրբությունը մտադիր է ամեն կերպ աջակցել նախագծերին, որոնք ուղղված են մարդկային կապիտալի զարգացմանը և դրանց արդյունքների տեխնոլոգիական պաշտպանությանը, որոնք ստեղծվել են ստեղծագործող մարդկանց ջանքերի և տաղանդի շնորհիվ։ Դա առաջին հերթին IPChain բլոկչեյն ենթակառուցվածքի հիման վրա զարգացող լուծումներն են»,- նշել է հանդիպմանը մասնակցած Մտավոր սեփականության ֆեդերացիայի նախագահ Սերգեյ Մատվեևը։

Բլոկչեյնը տեղեկատվություն պարունակող անընդհատ հաջորդական բլոկների շղթա է: Բիթքոինը բլոկչեյն տեխնոլոգիայի կիրառումներից է։

 Ուշագրավ
Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները
Առաջարկվում է նաև տուգանային միավոր սահմանել նաև լուսաթափանցելիության կանոնի խախտման համար
Ամփոփվել են միասնական քննությունների առաջին փուլի արդյունքները
Հաջորդ հումանիտար բեռը նախատեսվում է տրամադրել Խարկովի հիվանդանոցներից մեկին
---