Ինչպես են Բելառուսում ընթացել հակաիշխանական ցույցերն ընտրություններից հետո10 օգոստոսի 2020 - 11:39 AMT PanARMENIAN.Net - Օգոստոսի 9-ին Բելառուսի տարբեր կետերում նախագահական ընտրությունների ավարտից անմիջապես հետո վերսկսել են հակաիշխանական ցույցերը։ Մայրաքաղաք Մինսկում դրանք վերաճել են բախումների և ուղեկցվել իրավապահների կողմից բիրտ ուժի կիրառմամբ։ Հայտնի է մեկ մարդու մահվան մասին։ Իրավապաշտպանները հայտնել են առնվազն 140 ցուցարարի ձերբակալման մասին։ Նրանց խոսքով՝ ձերբակալվածների թիվն ավելին կարող է լինել։ Հայտնի է նաև ընտրությունների նախօրեին և հենց օգոստոսի 10-ին մոտ 70 դիտորդի ձերբակալման մասին։ Ձերբակալություններից չեն խուսափել նաև տեղի և արտերկրի լրագրողները, ընդդիմադիր թեկնածուների շտաբների անդամները։ Օգոստոսի 10-ի առավոտյան ԿԸՀ-ն հայտարարել է, որ գործող նախագահ Ալեքսանդր Լուկաշենկոն ընտրություններում հավաքել է ձայների 80.23%-ը, իսկ նրա հիմնական մրցակից Սվետլանա Տիխանովսկայան՝ 9.9%։ Մասնակցությունն ընտրություններին կազմել է 84.23%։ Ընդդիմադիրների ստեղծած ալտերնատիվ «Գոլոս» հարթակում ընտրությունների արդյունքների պատկերը ճիշտ հակառակն է։ Ուժայինների մեքենան մխրճվել է ցուցարարների ամբոխի մեջ։ Մեկ այլ դրվագում մեքենան վրաերթի է ենթարկել մեկ ցուցարարի, որը գանգուղեղային վնասվածքից մահացել է։ NEXTA Telegram-ալիքի հրապարակած տեսանյությում երևում է՝ ինչպես են ուժայինները ծեծում մարդկանց՝ գոռալով «պետք էր տանը մնալ» և «փոփոխություննե՞ր էիք ուզում»։ Ոստիկանությունը լուսաձայնային նռնակներ է կիրառել, ինչի հետևանքով ծանր վիրավորվել են որոշ ցուցարարներ։
Ընդդիմադիրները պնդում են, որ հատուկ ջոկատայիններն ուժ են կիրառել նաև իրենց բակերում գտնվող և ցույցերին չմասնակցող բելառուսցիների հանդեպ։
Կարդացեք նաև՝ «Տառականը» ընդդեմ երեք կնոջ․ Բելառուսում ընտրությունները կարող են ավարտվել հեղափոխությամբ կամ արյունով» Ուշագրավ Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Պատճառը հայտնի չէ | Լավրով․ 2021-ին ՀԱՊԿ առաքելություն ուղարկելու հարցը համաձայնեցված էր, բայց Փաշինյանը կանչեց ԵՄ–ին Նա նաև ասել է, թե ԵՄ առաքելությունը վերածվում է ՆԱՏՕ–ի առաքելության Միլլերը՝ Զախարովային․ Տարածաշրջանում առկա տուրբուլենտությունը ՌԴ գործողությունների հետևանք է Նա նաև կրկնել է, որ բրյուսելյան հանդիպումը կենտրոնանալու է Հայաստանի տնտեսական դիմակայունության վրա Լավրով․ ՀՀ իշխանությունը գիտակցաբար փլուզում է ՌԴ հետ հարաբերությունները Նա նաև ասել է, թե ԵՄ առաքելությունը վերածվում է ՆԱՏՕ–ի առաքելության Վրացի խորհրդարանականներն այցելել են Ծիծեռնակաբերդ Հյուրերը ծաղիկներ են խոնարհել Հայոց ցեղասպանության զոհերի հիշատակը հավերժացնող անմար կրակի մոտ |