«Արեւելյան գործընկերությունը» վեց հետխորհրդային երկրներին կդարձնի ԵՄ գերիները 5 փետրվարի 2009 - 18:44 AMT PanARMENIAN.Net - Ռուսաստանը բացասաբար է վերաբերվում ԵՄ «Արեւելյան գործընկերության» նախաձեռնությանը: Այդ մասին «Միջազգային կազմակերպություններում անդամությունը ինքնուրույն պետությունններին ճնշելու գործի՞ք է, թե՞ աջակցություն ժողովրդավարության զարգացմանը» թեմայով Երեւան-Մոսկվա հեռուստակամուրջի ժամանակ հայտնեց ԵԽԽՎ-ում ռուսական պատվիրակության անդամ, ՌԴ Պետական դումայի փոխնախագահ Սերգեյ Մարկովը: «Ռուսաստանին չառաջարկեցին մասնակցել այդ նախագծին, մինչդեռ վեց հետխորհրդային երկրները, որոնք սերտ կապված են ՌԴ հետ, ներգրավված են այդ նախաձեռնության մեջ: Հասկանալի է, որ այդ ծրագրի միջոցով ԵՄ ցանկանում է այդ երկրները դարձնել Եվրոպայի մերձավոր արտասահման»,- նկատեց Մարկովը: Ռուս պատգամավորի խոսքով, Ռուսաստանը ծայրահեղ հետաքրքրված է «Արեւելյան գործընկերության» նախաձեռնության մեջ ներգրավված երկրների հետ հարաբերությունների պահպանման եւ զարգացման հարցում, եւ վստահ է, որ այդ ցանկությունը երկկողմանի է: «Եվրոպան վեց երկրներին ճնշման է ենթարկում` նրանց կանգնեցնելով ընտրության առջեւ` դուք կա'մ ԵՄ հետ եք, կա'մ Ռուսաստանի»,- նկատեց Մարկովը: Նա ընդգծեց, որ ԵՄ նման քաղաքականությունը հանդիսանում է քաղաքականություն «զրոյական գումարով»: «Այդ նախաձեռնությունն այդ երկրներին դարձնում է Եվրոպայի քաղաքականության գերին, եւ նրանք, ավելի լավ է, հրաժարվեն դրանից»,- ամփոփեց Սերգեյ Մարկովը:Եվրամիության արտաքին կապերի եւ քաղաքականության գծով հանձնակատար Բենիտա Ֆեռերո-Վալդները հայտնել է, որ Ռուսաստանը կարող է հրավիրվել «Արեւելյան գործընկերություն»: Ընդ որում, նա ճշտել է, որ «Արեւելյան գործընկերությունը» ԵՄ քաղաքականությունն է Եվրոպական միությունից արեւելք տեղադրված գործընկեր-երկրների, այն է` Հայաստանի, Ադրբեջանի, Վրաստանի, Մոլդավիայի, Ուկրաինայի եւ Բելառուսի հանդեպ: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | ԱԺ-ն ստացել է ՌԴ Դաշնային խորհրդի նամակը, որն առնչվում է Սիմոնյանի «հակառուսական հայտարարություններին» Նամակի բովանդակությունը հայտնի չէ Փաշինյան․ Լուծում ենք առաջիկա տասնամյակներում Հայաստանի լինելության հարցը «Եկել ենք մի տեղ, որտեղ մենք Հայաստանի ապագայի շատ կոնկրետ նախագիծ ենք դնում սեղանին»,–ասել է նա ՀՀ և Ադրբեջանի սահմանին արդեն սահմանային 28 սյուն կա՝ աշխատանքի մոտ 35%-ն է Երկու երկրների փորձագիտական խմբերի աշխատանքները շարունակվում են ԱԳՆ․ Ստացել ենք խաղաղության պայմանագրի նախագծի վերաբերյալ Ադրբեջանի առաջարկները Սա տեքստի 9-րդ խմբագրությունն է |