ՌԴ-ն և ՀՀ-ն կարգավորել են ՀԿԵ աշխատանքի մասով տարաձայնությունները 3 սեպտեմբերի 2020 - 10:55 AMT PanARMENIAN.Net - ՌԴ և ՀՀ տրանսպորտային գերատեսչությունները կարգավորել են տարաձայնությունները Հարավկովկասյան երկաթուղու գործունեության ոլորտում, տեղեկացնում է ՌԴ տրանսպորտի նախարարությունը: Արձանագրությունը ստորագրել են ՌԴ տրանսպորտի փոխնախարար - Երկաթուղային տրանսպորտի դաշնային գործակալության պետ Վլադիմիր Տոկարևը և ՀՀ տարածքային կառավարման և ենթակառուցվածքների փոխնախարար Արմեն Սիմոնյանը: Այսպիսով Ռուսաստանի երկաթուղիների դուստր ձեռնարկության՝ «Հարավկովկասյան երկաթուղի» ՓԲԸ-ի ֆինանսատնտեսական գործունեության հետ կապված բոլոր տարաձայնությունները վերացվել են: Ավելի վաղ ՀՀ վարչապետ Նիկոլ Փաշինյանը հայտարարել էր, որ ՀԿԵ-ում 60 մլն դոլարի չարաշահումներ են հայտնաբերվել։ Նա հավելել էր, որ քննություն է ընթանում: «Կարող եմ ասել, որ մենք այդ հարցում ՌԴ նախագահի հետ ոչ մի տարաձայնություն չունենք»,-ասել էր վարչապետը: Մասնավորապես, փաստաթղթում նշված է, որ ՌԴ և ՀՀ համապատասխան նախարարությունները համաձայն են ՀԿԵ գործունեության վերաբերյալ անկախ աուդիտորական ստուգումների արդյունքների հետ, որոնք կատարվել են 2008-ին կոնցեսիոն պայմանագրի կնքման պահից։ Հաստատվել է նաև, որ ՀԿԵ-ն լիովին կատարել է իր ներդրումային պարտավորությունները և, որպես դրա հետևանք, կողմերը չունեն բողոքներ։ Նշվում է, որ արձանագրության ստորագրումը կարևոր է ՀԿԵ առջև ծառացած խնդիրների լուծման համար։ Խոսքն ինչպես բեռնափոխադրումների և ուղևորահոսքի ծավալների ավելացման, այնպես էլ երկաթուղու շարժակազմի թարմացման մասին է։ 2018-ի թավշյա հեղափոխությունից հետո խուզարկություններ իրականացվեցին ՀԿԵ գրասենյակում՝ հարկերից խուսափելու կասկածանքով: Ընկերությունը հայտարարեց, որ չի ընդունում մեղադրանքները և որ հետաքննությունը կողմնակալ է: «Ռուսական երկաթուղիներ» ընկերության 100% դուստր ձեռնարկություն հանդիսացող «Հայկական երկաթուղին» կոնցեսիոն պայմանագրով 30 տարով փոխանցվել է Ռուսաստանի երկաթուղիներին 2008-ին: Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | G7-ի երկրները կոչ են արել Բաքվին կատարել հումանիտար իրավունքի իր պարտավորությունները Նրանք նաև կոչ են արել Երևանին և Բաքվին հավատարիմ մնալ խաղաղ գործընթացին ftNFT ֆիջիթալ սփեյսում քննարկվել է AKNEYE-ի հետ գործակցությունը և մտավոր սեփականության իրավունքը Ետալեանը ներկաներին պատմել է AKNEYE-ի հետ գործակցության սեփական փորձի մասին Լավրով․ ՀՀ-ն դեռ ինքը չի կարող որոշել ՀԱՊԿ պատասխանատվության գոտին իր տարածքում Նա ասել է, որ պետք է «նշել Հայաստանի սահմանները, ավարտել սահմանազատումը» Հանձնաժողովները քարտեզի վրա վերարտադրել են գյուղերի միջև ԽՍՀՄ ժամանակներում եղած սահմանները Նշվում է, որ Ադրբեջանի սահմանապահներն ավելի են մոտենալու Կիրանցին և Ոսկեպարին, «բայց նրանց բաժանելու է սահմանազատված պետական սահման» |