Ադրբեջանում ահազանգել են «աղվանական եկեղեցու» քանդման մասին՝ շուռ տված հայերեն արձանագրություն ցույց տալով15 սեպտեմբերի 2020 - 20:01 AMT PanARMENIAN.Net - Ադրբեջանում ահազանգում են Գյանջայի շրջանի (Գանձակ) հայկական պատմական եկեղեցիներից մեկի ոչնչանալու վտանգի մասին։ Այն ներկայացվում է որպես աղվանական։ Հրապարակվել են նաև եկեղեցու տարածքի լուսանկարները, որոնցից մեկում երևում է հայատառ գրություն՝ «հայկ․գ»։ Լուսանկարում հայերեն գրությամբ արձանագրությունը շուռ է տված գլխիվայր՝ ամենայն հավանականությամբ անընթեռնելի գրության տպավորություն ստեղծելու համար։ Նշվում է նաև, որ եկեղեցին գտնվում է 2109 մ բարձրության վրա։
Լուսանկարներում մեծ հավանականությամբ պատկերված է Սուրբ Պանդալիոն մատուռը՝ կառուցված 1857 թվականին՝ Ազատից 5,5 կմ հարավ-արևմուտք՝ Պանդ լեռան գագաթին՝ 2108 մ բարձրության վրա: Ըստ հուշարձանագետ Սամվել Կարապետյանի՝ մատուռը մերձաբնակ ու մինչև իսկ հեռավոր վայրերի հայ բնակիչների շրջանում համբավավոր ուխտատեղիի համարում ուներ: Այն կառուցել է Հայր Տէր Սարգիս Տէր Ազարեանցը։
Ադրբեջանի պաշտոնական տարածքում գտնվող հայկական ժառանգությունը որպես աղվանական ներկայացնելու հեղինակներից մեկը «պատմաբան» Ֆարիդա Մամեդովան է։ Ըստ Լեռնային Ղարաբաղի մասին «Սև այգի» աշխատության հեղինակ, Քարնեգի հիմնադրամի Կովկասի անվտանգության հարցերով առաջատար փորձագետ Թոմաս դը Վաալի` Մամեդովան Աղվանքի պատմությունը ուսումնասիրելուց հետո վերցրել է աղվանական տեսությունը և դա օգտագործելով` փորձում է հանել հայերին Կովկասի պատմությունից։ Նա տեղադրել է Աղվանքը այժմյան Հայաստանի տարածքում. ՀH ամբողջ տարածքը՝ բոլոր եկեղեցիները և վանքերը կոչելով «աղվանական»։ 1975 թվականին Մամեդովան Գանձասարի վանք է այցելել և կարդացել տաճարի ճակատին գրած փորագրությունը "Ես Հասան Ջալալն եմ, կառուցել եմ այս եկեղեցին Աղվանքի իմ ժողովրդի համար...", ինչից հետո նա վերագրել է այդ գրությունը անտիկ Աղվանքի բնակչությանը։ Ադրբեջանում նման կերպ փորձում են ժխտել այդ տարածքներում հայերի բնակվելու փաստը: Ուշագրավ Վարդանյանն ասել է, որ գտնվում է մեկուսացման խցում Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Ամենաընթերցվողը բաժնում | Թավրիզում ՀՀ հյուպատոսություն կբացվի Նշվում է, որ ՀՀ–ն քայլեր է ձեռնարկելու Իրանի հետ առանձնահատուկ հարաբերությունների հետագա զարգացումն ապահովելու ուղղությամբ Կիրակոսյանը՝ Հաագայում․ ՄԱԿ ԱԽ-ն ու Եվրոպական դատարանը երբևէ չեն վճռել, որ ՀՀ-ն օկուպացրել է ԼՂ-ն Նա ներկայացրել է առարկություններն Ադրբեջանի ներկայացրած պահանջների նկատմամբ Հայաստան-Չեխիա ռազմատեխնիկական գործակցության մասով պայմանավորվածություններ կան ՊՆ էին այցելել չեխական ռազմարդյունաբերական ընկերությունների ներկայացուցիչներ Լեմկինի ինստիտուտի տնօրեն․ Ինչպես երիտթուրքերը, Ալիևը նույնպես ատելություն է տածում հայերի նկատմամբ Նրա հոդվածը հրապարակվել է Newsweek պարբերականում Հայոց ցեղասպանության 109-րդ տարելիցի համատեքստում |