Իսրայելցի գիտաշխատող․ Ադրբեջան մեկնած գրոհայինները հայտնի են դիակապտությամբ ու հարբեցողությամբ29 սեպտեմբերի 2020 - 20:51 AMT PanARMENIAN.Net - Իսրայելա-պաղեստինյան հետազոտական կենտրոնի գիտաշխատող և Պրինսթոնի համալսարանի դոկտորանտ, Մերձավոր Արևելքի ուսումնասիրությամբ զբաղվող Էլիզաբեթ Ցուրկովը գրում է, որ Թուրքիայի ձեռքով ենթադրաբար Ադրբեջան մեկնած սիրիացի գրոհայինները հայտնի են դիակապտության, հարբեցողության և կանանց շահագործելու իրենց սովորություններով։ Ըստ նրա՝ Սիրիայում գործող տասնյակ զինյալներ մեկ շաբաթ առաջ Թուրքիայի միջոցով լքել են Սիրիան անհայտ ուղղությամբ։ Նա չի պնդում, որ այդ մարդիկ Ադրբեջան են մեկնել կամ հասել այնտեղ, բայց, իր տեղեկություններով՝ նրանց ճնշող մեծամասնությունը «Սիրիայի ազգային բանակ»* (SNA) խմբավորումից է։ *Թուրքիան Սիրիայի հյուսիսում գրաված իր տարածքներում 2017-ին նոր զինված խմբավորում է կազմավորել, որը տեղում գործող տարբեր մանր խմբավորումների և «Սիրիայի ազատ բանակ» խմբավորման միավորումն է: Գիտաշխատողը գրում է, որ ճանաչում է մի քանի տղամարդկանց և նրանց հարազատներին, ովքեր գործարքի տակ ստորագրել են և լքել երկիրը, սակայն հասել են արդյոք Ադրբեջան, թե՝ ոչ, հաստատում չունի։ «Հանուն հայերի՝ ես հույս ունեմ, որ նրանք Ադրբեջանում չեն»,- նշել է նա՝ բացատրելով, թե ինչ նկատի ունի։ Նշվում է, որ այս տղամարդկանց հաճախ թյուրիմացաբար բնութագրում են որպես «ապստամբներ» կամ «ընդդիմություն», բայց, ըստ իր ուսումնասիրությունների, նրանց մեծամասնությունը կապ չունի Սիրիայի նախագահ Բաշար Ասադի դեմ պայքարի հետ, նրանք հավաքագրվել են աշխատավարձի դիմաց 2016 թվականից՝ «Իսլամական պետության» և ապա նաև քրդական YPG-ի դեմ պայքարի համար; ՄԱԿ-ի զեկույցի համաձայն՝ այս մարդիկ զբաղվում են համակարգային թալանով, շորթմամբ, փրկագնի դիմաց մարդկանց առևանգելով, մարդկանց, ծխախոտի, զենքի և թմրանյութերի կոնտրաբանդայով։ Իսկ Լիբիայում նրանք ավելի շատ են սկսել օգտագործել ալկոհոլ և շահագործել իրենց մարմինը վաճառելու պատրաստ հուսահատ կանանց։ Ըստ Ցուրկովի՝ նրանց հեռախոսները վերցրել են ենթադրաբար Ադրբեջան մեկնելուց առաջ, ու զինյալները դիակապտության իրենց սովորության համաձայն կգողանան հեռախոսներ իրենց սպանած հայ զինվորներից՝ այդպիսով՝ մատնելով իրենց ներկայությունը այդ տարածքում։ Նշվում է, որ ամեն դեպքում այս մարտիկները ջիհադիստներ չեն, այլ սովորական վարձկաններ։ Իսկ ըստ ասեկոսների՝ Ադրբեջանում ծառայությունների համար նրանց խոստացվել է անգամ ամսական $2500։ Ուշագրավ Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Պատճառը հայտնի չէ Օրինագծով նաև նախատեսվում է հստակեցնել այն ժողովուրդների ցանկը, որոնք պատմականորեն ապրել են Ռուսաստանի տարածքում Ամենաընթերցվողը բաժնում | Կայծակը հարվածել է Աբու Դաբի-Երևան չվերթի օդանավին՝ ճաքել է պատուհաններից մեկը Օդանավում խուճապ է սկսվել, սակայն օդաչուների պրոֆեսիոնալիզմի շնորհիվ հաջողվել է անվնաս վայրէջք կատարել Fastex-ը, Ucraft-ը և Hoory-ն հովանավորել են Dօing Digital 2024 համաժողովը և հատուկ մրցանակների արժանացել Fastex web3 էկոհամակարգը ճանաչվել է լավագույնը բլոկչեյնի նորարարական կիրառման համատեքստում GRECO-ն ՀՀ-ին կոչ է արել ավելի ուժեղ վերահսկողություն սահմանել բարձրագույն գործադիր գործառույթների նկատմամբ Իշխանությունները GRECO-ին պետք է ներկայացնեն զեկույցում առկա 22 առաջարկությունների վերաբերյալ իրենց կատարողականը Սենատոր Փիթերս․ Ադրբեջանն էթնիկ զտում է իրականացրել Նա գլխավորում է Հայաստանի պաշտպանության ակտի՝ S.3000 բանաձևի միաձայն ընդունման նախաձեռնությունը |