Մնացականյան․ ՌԴ, Ֆրանսիայի և ԱՄՆ-ի ԱԳ նախարարներն անդրադարձել են ադրբեջանական ագրեսիային 5 հոկտեմբերի 2020 - 20:25 AMT PanARMENIAN.Net - Ռուսաստանի արտաքին գործերի նախարար Սերգեյ Լավրովը, նրա ֆրանսիացի և ամերիկացի պաշտոնակիցներ Ժան-Իվ Լը Դրիանը և Սթիվեն Բիգանը անդրադարձել են Լեռնային Ղարաբաղում ադրբեջանական ագրեսիայի վտանգավորությանը և դրա՝ տարածաշրջանում ավելի խորը անկայունություն առաջացնելու ռիսկերին, թվիթերյան իր միկրոբլոգում գրել է ՀՀ ԱԳՆ ղեկավար Զոհրաբ Մնացականյանը։ Ըստ ԱԳՆ ղեկավարի՝ կողմերն ընդգծել են ռազմական գործողությունների դադարեցման կարևորությունը։ Ֆրանսիայի ԱԳՆ ղեկավարն իր հերթին նշել է, որ պատրաստ են աջակցել Լեռնային Ղարաբաղում հրադադարի հաստատմանը։ Ժան-Իվ Լը Դրիանը նման հայտարարություն է արել Սերգեյ Լավրովի, Ադրբեջանի և Հայաստանի նախարարներ Ջեյհուն Բայրամովի և Զոհրաբ Մնացականյանի հետ հեռախոսազրույցներից հետո: «Ֆրանսիան մոբիլիզացնում է իր ջանքերը Լեռնային Ղարաբաղում հրադադար հաստատելու, ինչպես նաև բանակցությունները վերսկսելու համար»,- փոխանցում է Aysor.am-ը։ Նա նաև ավելացրել է, որ Լավրովի հետ զրույցի ընթացքում «պայմանավորվածություն է ձեռք բերվել հրատապ միջոցառումների ձեռնարկման անհրաժեշտության մասին»: Նախարարը նշել է, որ դա արվել է Մինսկի խմբում երկու երկրի համանախագահության շրջանակում։ Ֆրանսիայի ԱԳՆ ղեկավարն ավելացրել է, որ Բայրամովի և Մնացականյանի հետ բանակցությունների ընթացքում «ներկայացրել է նմանօրինակ դիրքորոշում»: Հոկտեմբերի 5-ին Լավրովը հայտարարել էր, որ Ռուսաստանի, Ֆրանսիայի և Միացյալ Նահանգների արտաքին գերատեսչությունների ղեկավարները համատեղ նոր հայտարարություն են պատրաստում Լեռնային Ղարաբաղի հակամարտության վերաբերյալ։ Հոկտեմբերի 1-ին ԵԱՀԿ Մինսկի խմբի համանախագահ երկրների՝ ՌԴ, Ֆրանսիայի և ԱՄՆ նախագահներ Վլադիմիր Պուտինը, Էմանուել Մակրոնն ու Դոնալդ Թրամփը հայտարարություն են տարածել՝ կոչ անելով անհապաղ դադարեցնել մարտական գործողությունները ղարաբաղյան հակամարտության շփման գծում։ Ուշագրավ Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Դեսպանը նաև հրապարակել է Politico-ի հոդվածը «Thales» ընկերության ֆրանսիական ռադարների մասին Այն ենթադրում է տարբեր տեսակի աջակցություններ պետություններին՝ տեխնիկական, ոչ մահաբեր զինատեսակների տրամադրում Ամենաընթերցվողը բաժնում | Զախարովա․ ՌԴ–ն ՀՀ-ից հստակ արձագանքի է սպասում ԱՄՆ և ԵՄ հետ «ռազմաքաղաքական պայմանավորվածությունների մասին» Ըստ նրա, տեղեկություններ են հայտնվել, որ ապրիլի 5–ի հանդիպմանը ռազմաքաղաքական ոլորտին առնչվող պայմանավորվածություններ են ձեռք բերվել ՔՊ պատգամավորի հետ միջադեպից հետո ծեծի ենթարկված Վարդանյանը ճանաչվել է տուժող Իրականացվում է նախաքննություն Երևանի կոնյակի գործարանը սկսել է ստորագրել խաղողի գնման պայմանագրերը Յուրաքանչյուր 1 կգ-ի դիմաց կվճարվի 140 դրամ Վարդենիսում 13-ամյա աղջկա են բռնաբարել. Նրա վիճակը ծանր է Քննչական կոմիտեի մամուլի խոսնակ Գոռ Աբրահամյանը հայտնել է, որ նախաձեռնվել է քրեական վարույթ |