Արբանյակը փաստում է՝ թուրքական F-16-երը եղել են Գյանջայի միջազգային օդանավակայանում

Արբանյակը փաստում է՝ թուրքական F-16-երը եղել են Գյանջայի միջազգային օդանավակայանում

PanARMENIAN.Net - Հոկտեմբերի 3-ի դրությամբ Ադրբեջանի Գյանջա քաղաքի միջազգային օդանվակայանում, ամենայն հավանականությամբ, հենց Թուրքիայի զինված ուժերին պատկանող առնվազն 2 հատ F-16 կործանիչ կար՝ ենթադրաբար CN-235 տեսակի բեռնատար ինքնաթիռի կողքին։ Սա արձանագրել է NY Times-ի՝ բաց տվյալների վերլուծությամբ զբաղվող փորձագետ Քրիստիան Թրիբերթը։

Թուրքական F-16-երն Ադրբեջան են տարվել դեռ 2020-ի օգոստոսին կայացած թուրք-ադրբեջանական զորավարժությունների շրջանակում։

Փորձագետը Twitter-ում գրում է, որ արբանյակային լուսանկարներում երևացող ինքնաթիռները համեմատել են մի շարք, այդ թվում՝ Ադրբեջանի ռազմաօդային ուժերում առկա ինքնաթիռների հետ և պարզել, որ բնութագրերով դրանք ամենաշատը համընկնում են F-16-երի հետ։

Նա նաև նշում է, որ օդանավակայանում կանգնած է նաև ավելի մեծ ինքնաթիռ, որը, ըստ երևույթին, կրկին Թուրքիայի ռազմաօդային ուժերի կողմից շահագործվող CASA / IPTN CN-235 տրանսպորտային ինքնաթիռն է։

Թրիբերթի խոսքով՝ սա կարող է վկայել ԼՂ շուրջ հայ-ադրբեջանական բախումներին Թուրքիայի առավել մեծ ներգրավվածության մասին, քան Ադրբեջանին սիրիացի վարձկաններով աջակցելը։

Հոկտեմբերի 4-ին Արցախը զգուշացրել էր Ադրբեջանի քաղաքացիական բնակչությանը, որ հարվածներ է հասցնելու մեծ քաղաքներում ռազմական օբյեկտներին։ Դրանից քիչ անց հայտարարվեց Գյանջայի ռազմական օդանավակայանի ոչնչացման մասին։

 Ուշագրավ
Նա նաև ասել է, որ տարածաշրջանային անվտանգությունը պետք է ապահովեն տարածաշրջանի երկրները
Նա հավելել է, որ թուրքական կողմն ավարտել է Նախիջևանի և Կարսի միջև 224 կմ երկարությամբ երկաթուղային գծի կառուցումը
Փետրվարի 1-ին Միջազգային քրեական դատարանը իրավասություն է ստանալու հետաքննել Ալիևի գործողությունները
Նա նշել է, որ դիտարկում է հայկական բանակին «ոչ մահաբեր ձևաչափով» աջակցություն ցուցաբերելու հնարավորությունը, բայց կոնկրետ որոշումներ չկան
---