Ստեփանակերտում հակառակորդի ԱԹՍ է խոցվել

PanARMENIAN.Net - Հոկտեմբերի 18-ի երեկոյան Արցախի մայրաքաղաք Ստեփանակերտում ադրբեջանական անօդաչու թռչող սարք (ԱԹՍ) է խոցվել, հայտնել է Պաշտպանության բանակի մամուլի խոսնակ Սուրեն Սարումյանը։

Ավելի վաղ ՊԲ-ից հայտնել էին, որ չնայած հումանիտար հրադադարի մասին ձեռք բերված նոր պայմանավորվածությանը՝ հոկտեմբերի 18-ին հակառակորդը անօդաչու թռչող սարքերով շարունակաբար փորձել է խախտել Արցախի օդային տարածքը: Արցախի բանակի հակաօդային ուժերը 2 անօդաչու են խոցել։

Հայտարարվել էր, որ Հայաստանը և Ադրբեջանը որոշել են հոկտեմբերի 18-ին՝ տեղական ժամանակով 00:00-ից, հաստատել մարդասիրական զինադադար: Զինադադարը կրկին Ադրբեջանի կողմից չի պահպանվել, ձեռնարկվել է հարձակում։

Ադրբեջանը սեպտեմբերի 27-ի վաղ առավոտյան Արցախի ուղղությամբ սկսել է օդային և հրթիռային հարձակում՝ թիրախավորելով թե ռազմական օբյեկտներ, թե քաղաքացիական ենթակառուցվածքներ, այդ թվում՝ Ստեփանակերտում։ ՀՀ-ում և Արցախում ռազմական դրություն է հայտարարված։