Լոս Անջելեսում ՀՀ հյուպատոս․ Պոմպեոն հուսով է՝ հնարավոր կլինի նոր զինադադար հաստատել22 հոկտեմբերի 2020 - 15:31 AMT PanARMENIAN.Net - Լոս Անջելեսում ՀՀ գլխավոր հյուպատոս Արմեն Բայբուրդյանը հայտարարել է, որ ԱՄՆ պետքարտուղար Մայք Պոմպեոն հույս է հայտնել հոկտեմբերի 23-ին Վաշինգտոնում ՀՀ և Ադրբեջանի ԱԳ նախարարների հետ առանձին հանդիպումներից հետո նոր զինադադար հաստատելու հնարավորության մասին։ Այդ մասին հյուպատոսն ասել է Լոս Անջելեսում մամուլի ասուլիսի ընթացքում։ Բայբուրդյանը հիշեցրել է, որ զինադադարի 2 փորձ եղավ՝ մեկը՝ հոկտեմբերի 10-ին, մյուսը՝ 18-ին, որոնք Ադրբեջանը չպահպանեց։ Նա հավելել է, որ Ադրբեջանը հրաժարվում է վերիֆիկացիոն մեխանիզմների ներդնումից, որոնք հնարավորություն կտան արձանագրել, թե ով է խախտում հրադադարը։ «Հայկական կողմը շատ կարևոր է համարում այդպիսի մեխանիզմի հաստատումը»,- ասել է նա։ Հյուպատոսը նշել է նաև, որ ԱՄՆ վարչակազմը պետք է ավելի գործնական քայլեր անի՝ Թուրքիային սաստելու համար։ «Մենք գործ ունենք թուրքական ագրեսիայի հետ, ոչ միայն Թուրքիայի մասնակցության, այլև անմիջական ագրեսիայի։ Թուրքիան խնդիր է դրել իր ազդեցությունն ընդլայնել տարածաշրջանում հայերի էթնիկ զտման միջոցով։ Թուրքիան ձգտում է Մինսկի խմբի համանախագահ երկիր դառնալ, բայց այդ երկիրը կողմնակալ է այս հակամարտությունում, և անթույլատրելի է դրա մասնակցությունն այդ ձևաչափին»,- ասել է նա։ «Համանախագահ երկրները՝ ՌԴ-ն, ԱՄՆ-ն և Ֆրանսիան ձգտում են, որ ներկա ձևաչափը պահպանվի»,- ասել է նա։ Հոկտեմբերի 23-ին Վաշինգտոնում նախատեսված է Զոհրաբ Մնացականյանի հանդիպումն ԱՄՆ պետքարտուղար Մայք Պոմպեոյի, ինչպես նաև ԵԱՀԿ ՄԽ համանախագահների հետ։Պոմպեոն հանդիպում կունենա նաև Ադրբեջանի ԱԳ նախարար Ջեյհուն Բայրամովի հետ։ Ադրբեջանը սեպտեմբերի 27-ի վաղ առավոտյան Արցախի ուղղությամբ սկսել է լայնածավալ հարձակում՝ թիրախավորելով թե ռազմական օբյեկտներ, թե քաղաքացիական ենթակառուցվածքներ երկրի ամբողջ տարածքում։ Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել ԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինը Բագրատ սրբազան․ Կիրանցից քայլերթով շարժվում ենք Երևան Նախատեսում են Երևան հասնել մայիսի 9-ին Կիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |