Զինյալը՝ տեսախցիկի առջև․ «Սուլթան Մուրադից» թուրքական ավիաընկերություններով մարտիկներ են տեղափոխվում Ադրբեջան27 հոկտեմբերի 2020 - 16:50 AMT PanARMENIAN.Net - Սիրիայի Ռաս ալ-Այնում ձերբակալված «Սուլթան Մուրադ» ստորաբաժանման զինյալներից մեկը՝ Ամին Իմադ Ամ-Սաիդեն տեսախցիկի առաջ պատմել է, որ ստորաբաժանման անդամները թուրքերի միջոցով, թուրքական ավիաընկերություններով տեղափոխվում են Ադրբեջան, որտեղ ամսական $2000 աշխատավարձ են ստանում: Հարցաքննությունը ցուցադրվել է AlHadath արաբական հեռուստաալիքով։ Նա պատմել է, որ Աֆրինում իրեն մարզել են թուրք ինստրուկտորները, ամսական $50 աշխատավարձ է ստացել, սակայն որոշ անդամներ գործուղվում են Լիբիա և Ադրբեջան՝ անհամեմատ բարձր աշխատավարձերով։ Ընդ որում, նրա խոսքով՝ Լիբիա մեկնած մարտիկներն ավելի քիչ են ստանում՝ $1500, քան Ադրբեջան մեկնածները։ Սիրիացու խոսքով՝ բացի իր ստորաբաժանումից, զինյալներ են տեղափոխվում նաև այլ խմբերից, օրինակ՝ «Ալ-Համզա» դիվիզիայից։ Հարցին, թե ինչ կարծիք ունի այլ երկրներ ուղարկվող սիրիացիների մասին, զինյալը պատասխանել է․ «Թուրքիան դա անում է՝ ելնելով սեփական շահերից, սիրիացիների շահն այս հարցում բացակայում է»։ Նախկինում նույնպես զինյալները հարցազրույցներ են տվել հեղինակավոր լրատվամիջոցների և պատմել ԼՂ հակամարտության գոտի տեղափոխվելու, աշխատավարձի չափի, մարտերին մասնակցելու մասին։ Սակայն սա առաջին դեպքն է, երբ դա արվում է տեսախցիկի առջև և ոչ անանուն։ Դեռ սեպտեմբերի 27-ից առաջ Հայաստանը հայտարարել էր, որ իր տեղեկություններով՝ Թուրքիան Ադրբեջան սիրիացի վարձկաններ է տեղափոխել։ Թուրքիան և Ադրբեջանը հերքում են այդ լուրերը, մինչ զուգահեռ միջազգային մամուլում և սոցցանցերում դրանք հաստատող բազմաթիվ վկայություններ և տեսանյութեր են հայտնվում։ Ըստ վկայությունների՝ Ադրբեջան Թուրքիայի տեղափոխած վարձկանները «Սուլթան Մուրադ», «Ալ-Համզա դիվիզիայի» և այլ խմբակցությունների անդամներն են։ Արդեն սպանվել է մոտ 200 զինյալ։ Ադրբեջանը սեպտեմբերի 27-ի վաղ առավոտյան Արցախի ուղղությամբ սկսել է օդային և հրթիռային հարձակում՝ թիրախավորելով թե ռազմական օբյեկտներ, թե քաղաքացիական ենթակառուցվածքներ, այդ թվում՝ Ստեփանակերտում։ Հրետակոծություններից վիրավորվել են նաև տեղացի և ֆրանսիացի լրագրողներ։ ՀՀ-ում և Արցախում ռազմական դրություն է հայտարարված։ Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | Գարեգին Բ․ Հերոսական անցյալով հզոր մեր ժողովուրդը պիտի հեռացնի իր կյանքից ազգային շահերին հակառակ կործանարար դրսևորումները Նա նշել է, որ մտահոգիչ ծանր իրավիճակ է Հայաստանի սահմանային տարածքներում Սերժ Սարգսյան․ Ցեղասպանության հարցը սակարկման ենթակա չէ, միայն իշխանազավթներին հեռացնելը կկանխի պետականության կործանումը Նա նշել է, որ միայն օր առաջ համազգային ընդվզումով կապիտուլյանտ իշխանազավթներին հեռացնելը կարող է կանխել պետականության կործանումը Փաշինյան․ Մեծ եղեռնը դատավճիռ չէ՝ պետք է դադարենք հայրենիքի փնտրտուքը, որովհետև գտել ենք այդ հայրենիքը «Մեծ եղեռնը, հայրենազրկումը դատավճիռ չէ մեզ համար, որ պիտի կրենք որպես կորուսյալ հայրենիքի շարունակական փնտրտուք»,–նշել է նա Ալիև․ Հայաստանը պետք է փոխի Սահմանադրությունը, հրաժարվի Արարատ լեռը որպես խորհրդանիշ օգտագործելուց Ալիևը նաև ասել է, թե «հայերը լուրջ հոգեբանական շեղումներ ունեն» և «զառանցագին գաղափարներ» |