ՊՆ․ Հակառակորդը կորցրել է իր քանակական ու տեխնոլոգիական առավելությունը27 հոկտեմբերի 2020 - 22:33 AMT PanARMENIAN.Net - Հոկտեմբերի 27-ին Արցախի հյուսիսում մարտական գործողությունները համեմատաբար թեթև լարվածության էին, մի շարք գյուղերի ուղղությամբ դիվերսիոն ներթափանցումները և դրանց ոչնչացման աշխատանքները շարունակվում են, հայտարարել է պաշտպանության նախարարության ներկայացուցիչ Արծրուն Հովհաննիսյանը։ Նրա խոսքով՝ դաշտավայրերում որոշ հաջողություն ունենալուց հետո ադրբեջանցիներն ու ահաբեկիչները փորձում են զարգացում գրանցել նաև բարդ անտառալեռնային տեղանքում, դա այնքան էլ չի հաջողվում, բարդ պայքար է ընթանում։ «Հակառակորդն այլևս կորցրել է իր քանակական ու տեխնոլոգիական առավելությունը․ դա գալիս է տարբեր հանգամանքներից, առաջին հերթին՝ տեղանքից, հետո մեր հմտությունների կատարելագործումից և փորձից, հետևաբար՝ իրավիճակն այլ է, դինամիկ զարգացումների տեղեկություններ մենք այլևս չենք կարող տալ»,- ասել է նա։ Ասուլիսի ընթացքում ՊՆ ներկայացուցիչը քարտեզով ցույց է տվել հարավում հակառակորդի առաջխաղացման պատկերը։
«Ըստ էության, Որոտան գետի երկայնքով ձևավորված ռազմաճակատ կա, այսօր նաև փորձել են Բերձորի ուղղությամբ որոշակի հարձակում իրականացնել, ինչպես նաև հարավային ուղղությամբ մոտենալ դեպի ՀՀ սահմանին, սակայն ոտնձությունները հետ են մղվել, ԱԹՍ, հրետանի են կիրառել, հաջողության չեն հասել»,- ասել է նա։ Հովհաննիսյանը նշել է, որ մի շարք գյուղերում դիվերսանտների փոքր խմբերի դեմ պայքարը շարունակվում է՝ 24-ժամյա ռեժիմով ու ոչ մեծ լարվածությամբ մարտերով։ Ադրբեջանը սեպտեմբերի 27-ի վաղ առավոտյան Արցախի ուղղությամբ սկսել է օդային և հրթիռային հարձակում՝ թիրախավորելով թե ռազմական օբյեկտներ, թե քաղաքացիական ենթակառուցվածքներ, այդ թվում՝ Ստեփանակերտում։ ՀՀ-ում և Արցախում ռազմական դրություն է հայտարարված։ Ուշագրավ Նա նաև ասել է, որ տարածաշրջանային անվտանգությունը պետք է ապահովեն տարածաշրջանի երկրները
Նա հավելել է, որ թուրքական կողմն ավարտել է Նախիջևանի և Կարսի միջև 224 կմ երկարությամբ երկաթուղային գծի կառուցումը Փետրվարի 1-ին Միջազգային քրեական դատարանը իրավասություն է ստանալու հետաքննել Ալիևի գործողությունները Նա նշել է, որ դիտարկում է հայկական բանակին «ոչ մահաբեր ձևաչափով» աջակցություն ցուցաբերելու հնարավորությունը, բայց կոնկրետ որոշումներ չկան Ամենաընթերցվողը բաժնում | ՀՀ և Ադրբեջանի խորհրդարանների ղեկավարները մայիսին կրկին կհանդիպեն Սիմոնյանը կառուցողական է գնահատել Գաֆարովայի հետ նախորդ հանդիպումը Վրացի խորհրդարանականներն այցելել են Ծիծեռնակաբերդ Հյուրերը ծաղիկներ են խոնարհել Հայոց ցեղասպանության զոհերի հիշատակը հավերժացնող անմար կրակի մոտ Գաբրիելյանը և Միքանաձեն կրթական ոլորտում գործակցության համատեղ հայտարարություն են ստորագրել Փաստաթուղթն ինստիտուցիոնալ հենքի վրա կդնի երկու հանձնաժողովների գործունեությունը Ադրբեջանի ՄԻՊ–ն այցելել է Ստեփանակերտում մնացած հայերին՝ խոցելի խմբերի համար կացարանում Շահրամանյանն ասել է, որ Արցախում շարունակում է մնալ 10-11 մարդ |