Ֆիննախ․ Հիմնադրամից պետությանը 52․7 մլրդ դրամ է փոխանցվել՝ առողջապահական ու սոցծախսերին 24 նոյեմբերի 2020 - 15:28 AMT PanARMENIAN.Net - «Հայաստան» համահայկական հիմնադրամի և ՀՀ միջև կնքված նվիրաբերության պայմանագրերի հիման վրա որպես նվիրաբերություն պետությանը փոխանցվել է 52,7 մլրդ դրամ՝ ռազմական դրությամբ պայմանավորված ենթակառուցվածքների, սոցիալական և առողջապահական ծախսերի ֆինանսավորման նպատակով օգտագործելու պայմանով: Ավելի վաղ փոխվարչապետ Մհեր Գրիգորյանը հայտարարել էր, որ Հիմնադրամից Կառավարությանը միջոցներ են փոխանցվել։ Փոխվարչապետի հայտարարությունից հետո համացանցում դժգոհություններ էին հնչել ու կասկածներ հայտնվել՝ ֆինանսական միջոցների արդյունավետ ծախսման վերաբերյալ։ Ըստ նախարարության՝ փոխանցման ոչ իրավաչափ լինելու մասին հայտարարություններն անհիմն են, քանի որ պայմանագրերով սահմանված նվիրաբերության գումարի օգտագործման պայմանն ամբողջությամբ համապատասխանում է Հիմնադրամի կանոնադրությանը։ Փոխանցված գումարն ամբողջությամբ մուտքագրվել է միասնական գանձապետական հաշվին: Ըստ ֆիննսախի՝ նվիրաբերության գումարն օգտագործվել և բյուջետային գործընթացի շրջանակում օգտագործվելու է պետբյուջեով նախատեսված պետության, ռազմական դրություն հայտարարելու հանգամանքներով պայմանավորված ենթակառուցվածքների, սոցիալական և առողջապահական ծախսերի ֆինանսավորման նպատակով: Նշվում է, որ նվիրաբերության գումարի հաշվին ծախսերի ֆինանսավորումը հնարավորություն է ընձեռել կառավարությանը պետբյուջեով այդ ծախսերի ֆինանսավորման համար նախատեսված միջոցները սահմանված կարգով ուղղել ռազմական դրությամբ պայմանավորված, նոր ի հայտ եկած ծախսերի ֆինանսավորմանը, որոնք նոյեմբերի 19-ի դրությամբ կազմել են մոտ 101 մլրդ դրամ։ Անդրադառնալով Հիմնադրամի կողմից նվիրաբերության պայմանագրերի կնքման իրավաչափության վերաբերյալ ԶԼՄ-ներում տեղ գտած գնահատականներին՝ ֆիննախից հայտնել են, որ միջոցները փոխանցվել են սահմանված կարգով կնքված նվիրաբերության պայմանագրերի հիման վրա, ռազմական դրությամբ պայմանավորված ենթակառուցվածքների, սոցիալական և առողջապահական ծախսերի ֆինանսավորման նպատակով օգտագործելու պայմանով և Հիմնադրամի հոգաբարձուների խորհրդի համաձայնությամբ: Նոյեմբերի 24-ի դորւթյամբ Համահայկական հիմնադրամը պատերազմի հետևանքով առաջացած հումանիտար կարիքների համար հավաքագրել է $170.6 մլն։   Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը   |  Բաժիններ թեմայով Վերջին լուրեր ՀՀ-ն փաստագրում է ԼՂ-ի հուշարձանների նկատմամբ վանդալիզմի դեպքերը և ներկայացնում միջազգային հարթակներում  Լեռնային Ղարաբաղի հուշարձանների հետ կապված մշտադիտարկման խմբեր են գործումԽոսնակ․ Որևէ հայտարարություն, որը չի հնչել կամ հաստատվել վարչապետի կողմից՝ պաշտոնապես հերքվում է Նա նշել է, որ Փաշինյանին որոշ աղբյուրների կողմից վերագրվում են տարբեր հայտարարություններՓաստաբան․ Քերոբյանի գործով քննությունն անարդյունավետ է, սահմանափակումները՝ ոչ համաչափ Ըստ նրա, բոլոր գործողությունները հնարավոր էր իրականացնել 2 ամսումՄախսուդյան․ Փաշինյանը երաշխիք է տվել` ոսկեպարցիների ուզածով է լինելու Մախսուդյանը Վերին Ոսկեպարի մասին հարց է ուղղել, Փաշինյանն ասել է, որ փորձելու են անկլավների հետ փոխանակել |
