Փաշինյանի տեսաուղերձի գլխավոր թեզերը27 նոյեմբերի 2020 - 14:35 AMT PanARMENIAN.Net - ՀՀ վարչապետ Նիկոլ Փաշինյանը տեսաուղերձով դիմել է ժողովրդին՝ պատերազմում պարտության, դրան հետևած իրավիճակի ու անելիքների մասին, ինչպես նաև անդրադարձել ռազմական վերահսկողական ծառայության նախկին պետ Մովսես Հակոբյանի մեղադրանքներին։ Փաշինյանը, թերևս, առաջին անգամ երկարատև ժամանակ անց ավարտել է իր հանրային ուղերձն առանց ավանդական «Կեցցե Ազատությունը, կեցցե Հայաստանի Հանրապետությունը, կեցցենք մենք և մեր երեխաները, որ ապրում ենք և ապրելու ենք Ազատ և Երջանիկ Հայաստանում» նախադասության: Փոխարենը նա ասել է՝ «Կեցցե հայ ժողովուրդը»։ Ելույթի կարևոր թեզերը՝ ստորև․ - Ներհայաստանյան որոշ խմբեր՝ արտաքին ուժերին համընթաց, բորբոքում են ազգի խոցերը: - Նրանք «խրախճանք» էին սարքել Սոթքի հանքի շուրջ տեղի ունեցած միջադեպի պատճառով, իսկ սահմանազատումը գնում է խորհրդային սահմաններով․ հանքի մի մասը նախկին Ադրբեջանի ԽՍՀ տարածքում է։ - Նրանց նպատակներից է տպավորություն ստեղծել, թե երկրում անիշխանություն է, քաոս սերմանել, ավտոմատավորներով երկիրն ազատ անկման վիճակում դնել ու հետ գալ իշխանության: - Պատերազմի ժամանակ իշխանությունն ասում էր ճշմարտությունը, սակայն պատերազմական ժամանակներին հատուկ լեզվով, ինչպես, օրինակ, տեղեկացվում էր Հադրութի, Մարտունու, Շուշիի մերձակայքում մարտերի կամ Սյունիքի ինքնապաշտպանության մարտերի մասին: - Մովսես Հակոբյանն ապօրինի միջամտությամբ առնվազն կիսում է պատասխանատվությունը 9-րդ պաշտպանական շրջանի անկման համար, նա թիրախ է դարձրել վարչապետի տիկին Աննա Հակոբյանին՝ մոռանալով հարցնել «իսկ ի՞նչ գործ ուներ վարչապետի կինը հրթիռակոծվող քաղաքում, որի բնակչության 70 տոկոսը լքել էր քաղաքը․․․ Բադեն-Բադե՞ն էր Ստեփանակերտը, որ այնտեղ լինելը ներկայացվում է որպես ցոփության օրինակ»: - Փաշինյանը մեկնաբանել է իր տիկնոջ՝ հրամանատարական «բունկերում» գտնվելու հայտարարությունը․ «Վարչապետի ընտանիքի անդամի մեկանգամյա այցը՝ վարչապետի հանձնարարությամբ, ՊԲ հրամանատարական կետ ՊԲ-ին բարոյական զորակցություն հայտնելու նպատակով այն պայմաններում, երբ բանակն անընդհատ լուր է ստանում, թե մարդիկ լքում են բնակավայրերը, այս պայմաններում վարչապետի ընտանիքի անդամին ուղարկելը, որ տեսնեն, որ նա գտնվում է Ստեփանակերտում, քաղաքական շահարկում դարձնելը ի՞նչ գործելակերպ է»: - Աննա Հակոբյանն այլ տեղ գտնվելու չուներ և եկել էր Արցախ՝ հումանիտար օգնության համար: - Պետք է ձեռք բերված խաղաղությունը երկարատև դարձնել, եթե հաջողվի մշտական դարձնել՝ շատ ավելի լավ։ - ՀՀ ու Արցախի շուրջ կայունություն ապահովելու համար պետք է նոյեմբերի 9-ի պայմանավորվածությունները կյանքի կոչել, որոնց թվում է անհետ կորածների փնտրտուքի ակտիվացումն ու գերիների վերադարձը։ - Անհետ կորածների ծնողները ճիշտ են, և մենք պետք է արագ գործենք։ - Տրանսպորտային կոմունիկացիաների վերաբացումը կփոխի տարածաշրջանի ու Հայաստանի կերպարը։ Ուշագրավ Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Դեսպանը նաև հրապարակել է Politico-ի հոդվածը «Thales» ընկերության ֆրանսիական ռադարների մասին Այն ենթադրում է տարբեր տեսակի աջակցություններ պետություններին՝ տեխնիկական, ոչ մահաբեր զինատեսակների տրամադրում Ամենաընթերցվողը բաժնում | Վարչապետ․Եթե Տավուշում տների հետ կապված խնդիր լինի, պետությունը տեր կկանգնի՝ նոր տներ կկառուցի Վարչապետի խոսքով՝ խնդիրները, որ տեղ-տեղ ծագում են հայկական կողմի համար, հնարավոր է, որ ծագեն նաև Ադրբեջանի համար Բագրատ սրբազան. Այս գործընթացը պետք է կասեցվի Նա հավելել է, որ Տավուշի մարզը պետք է ամրոց դարձնել Տավուշցիները կրկին բողոքի են դուրս եկել Նրանք ընդգծել են, որ իրենց բոլորովին այլ կերպ են ներկայացրել իրավիճակը Գուտերեշը կոչ է արել Ադրբեջանին և ՀՀ–ին լուծել բոլոր հարցերը հարաբերությունների կարգավորման համար Գլխավոր քարտուղարն ուշադիր հետևել է Հայաստանի և Ադրբեջանի միջև հարաբերությունների կարգավորման գործընթացին |