Փաշինյանն ակնարկել է՝ Մովսես Հակոբյանը Ջաբրայիլում ձախողման պատասխանատուներից է27 նոյեմբերի 2020 - 15:15 AMT PanARMENIAN.Net - ՀՀ վարչապետ Նիկոլ Փաշինյանը հայտարարել է, որ ՊՆ ռազմական վերահսկողության պետի պաշտոնից հրաժարական տված գեներալ-գնդապետ Մովսես Հակոբյանին կիսում է Ջաբրայիլում ձախողման պատասխանատվությունը՝ իր «ապօրինի միջամտություններով»։ Նա նշել է, որ հերոսական կռիվ են տվել նաև 9-րդ Պաշտպանական շրջանի (Ջաբրայիլ-խմբ․) հատվածում մարտնչած բազմաթիվ զինվորներ, հազարավոր սպաներ, գեներալներ։ «Բայց, ցավոք 9-րդ ՊՇ-ն ճողքվեց՝ հանգեցնելով աղետի, և այն գեներալը, ով իր ապօրինի միջամտություններով առնվազն կիսում է պատասխանատվությունն այդ ձախողման համար, հիմա ասուլիսներ է տալիս, չակերտավոր բացահայտումներ է անում»,- ասել է Փաշինյանը՝ նշելով, որ նրա ԳՇ պետի պաշտոնավարման օրոք 42 մլն դոլար է մսխվել անպիտան զենք գնելու վրա։ Հակոբյանը ՊՆ ռազմական վերահսկողական ծառայության պետի պաշտոնից ազատվելու դիմում է ներկայացրել նոյեմբերի 18-ին։ Նա այդ պաշտոնին էր նշանակվել 2019 թվականի նոյեմբերի 19-ին։ Վարչապետն անդրադարձել է նաև Հակոբյանի՝ վարչապետի կնոջ մասին հայտարարությանը։ «Իմ կնոջն է թիրախ դարձնում ՝ մոռանալով հարց տալ՝ իսկ հրթիռակոծվող քաղաքում, որի բնակչության 70%-ը լքել է այն, ի՞նչ գործ ուներ վարչապետի ընտանիքի անդամը, այսինքը՝ Բադեն-Բադենի սանատորիա՞ էր հրթիռակոծվող Ատեփանակերտը, որ այնտեղ գտնվելը փորձ է արվում ներկայացնել որպես իշխանության ցոփության մի անկկարագրելի օրինակ։ Ռմբապաստարաններում մնացած բնակիչներին հաց ու ջուր անձամբ հասցնելը հանցագործությո՞ւն էր, չէի իմացել»․- ասել է նա։ Վարչապետը նշել է, որ Աննա Հակոբյանն իր հանձնարարությամբ է այցելել Պաշտպանության բանակի հրամանատարական կետ՝ ՊԲ-ին բարոյական աջակցություն, զորակցություն հայտնելու: «Այն պայմաններում, երբ այդ բանակն անընդհատ լուր է ստանում, որ մարդիկ թիկունքում լքում են բնակավայրերը, այս պայմաններում վարչապետի ընտանիքի անդամի ուղարկելը, որ տեսնեն մարդիկ, որ վարչապետի ընտանիքի անդամն է գտնվում Ստեփանակերտում, քաղաքական շահարկման առարկա դարձնելը ի՞նչ գործելակերպ է»,- ասել է նա՝ նշելով, որ ոմանք Ստեփանակերտից հետ են կանչվել՝ խուճապ տարածելու և աղետի բերած ապօրինի միջամտության պատճառով՝ ակնարկելով Հակոբյանին։ Մովսես Հակոբյանը նոյեմբերի 19-ի իր ասուլիսի ընթացքում պատասխանելով Աննա Հակոբյանի՝ ռազմական գործողությունների ղեկավարմանը մասնակցելու մասին հարցին, ասել էր, որ մեկ անգամ է նրան տեսել հրամանատարական կետում, էկրանի առաջ նստած, դիտել են Մատաղիսի գործողությունները, որևէ բանի նա չի միջամտել։ Նա խնդրել է Հակոբյանին հեռանալ հրամանատարակ կետից, ինչից հետո իրեն կանչել են Երևան և ասել, որ իր Արցախ չգնալու հրաման կա։ Կարդացեք նաև՝ Մովսես Հակոբյանը՝ վարչապետի հրամանների, ԳՇ նախկին պետի ու Աննա Հակոբյանի մասին Ուշագրավ Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Դեսպանը նաև հրապարակել է Politico-ի հոդվածը «Thales» ընկերության ֆրանսիական ռադարների մասին Այն ենթադրում է տարբեր տեսակի աջակցություններ պետություններին՝ տեխնիկական, ոչ մահաբեր զինատեսակների տրամադրում Ամենաընթերցվողը բաժնում | ՀՀ-ն փաստագրում է ԼՂ-ի հուշարձանների նկատմամբ վանդալիզմի դեպքերը և ներկայացնում միջազգային հարթակներում Լեռնային Ղարաբաղի հուշարձանների հետ կապված մշտադիտարկման խմբեր են գործում Փաստաբան․ Քերոբյանի գործով քննությունն անարդյունավետ է, սահմանափակումները՝ ոչ համաչափ Ըստ նրա, բոլոր գործողությունները հնարավոր էր իրականացնել 2 ամսում Վրաստանի խորհրդարանն առաջին ընթերցմամբ ընդունել է «օտարերկրյա գործակալների» մասին օրենքը Զուրաբիշվիլին դռնփակ հանդիպման է հրավիրել արևմտյան երկրների դեսպաններին Հաջիև․ Ադրբեջանի և ՌԴ ղեկավարությունը ռուս խաղաղապահների վաղաժամ դուրսբերման որոշում է կայացրել Նա նշել է, որ Ադրբեջանի և ՌԴ ՊՆ–ները ձեռնարկում են անհրաժեշտ միջոցներ որոշումը կյանքի կոչելու համար |