Սնոուդենին և Ասանժին Նոբելյան Խաղաղության մրցանակի են առաջադրել 5 հունվարի 2021 - 16:24 AMT PanARMENIAN.Net - ԱՄՆ Ազգային անվտանգության գործակալության նախկին աշխատակից Էդվարդ Սնոուդենին, WikiLeaks-ի հիմնադիր Ջուլիան Ասանժին, ինչպես նաև նրա իրազեկիչ Չելսի Մենինգին առաջադրել են Նոբելյան Խաղաղության մրցանակի։ Նրանց թեկնածություններն առաջադրել է Նոբելյան Խաղաղության մրցանակի 1976թ․ դափնեկիր Մեյրիդ Քորիգանը, գրում է «Նովայա գազետան»՝ The Irish News-ին հղումով։ «Նրանցից յուրաքանչյուրն արիության աննախադեպ օրինակներ է դրսևորել, որոնք բացահայտում են կառավարության ապօրինի գործողությունները»,- ասել է Քորիգանը։ Նա նշել է, որ Ասանժը, Սնոուդենն ու Մենինգը նախկինում ևս առաջադրվել են Նոբելյան մրցանակի որպես անհատներ, սակայն չեն ստացել մրցանակ։ «Ասանժը որպես հրատարակիչ պետք է կատարեր իր պարտքն ու բացահայտեր պատերազմական փաստերն Իրաքում և Աֆղանստանում, իսկ Սնոուդենը, որն աշխատում էր ԱՄՆ հետախուզությունում, չէր կարող լռել՝ իմանալով, որ իր կառավարությունն ապօրինի հետևում է ԱՄՆ քաղաքացիներին և տարբեր երկրների կառավարություններին»,- ասել է նա։ Լոնդոնի Կենտրոնական քրեական դատարանը մերժել է ԱՄՆ-ին WikiLeaks-ի հիմնադիր Ջուլիան Ասանժին արտահանձնելու հարցում։ Ասանժը կալանքի տակ կմնա, քանի որ ԱՄՆ-ն բողոքարկելու է դատարանի որոշումը։ Վերջին տարին նա անցկացրել է «Բելմարշ» խիստ ռեժիմով բանտում։ Ավստրալացի Ջուլիան Ասանժը ստեղծել է WikiLeaks-ը 2006-ին։ Կայքում հրապարակվում էին հույժ գաղտնի տեղեկություններ տարբեր աղբյուրներից։ Ամենաաղմկահարույցներից մեկը դարձավ Պենտագոնի փաստաթղթերի հրապարակումը՝ Իրանում և Աֆղանստանում պատերազմի ընթացքի մասին։ ԱՄՆ-ն մեղադրում է Ասանժին լրտեսության և գաղտնի տեղեկությունների հրապարակման մեջ։ ԱՄՆ-ում նրան սպառնում է 175 տարի ազատազրկում։ Ուշագրավ Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Պատճառը հայտնի չէ Օրինագծով նաև նախատեսվում է հստակեցնել այն ժողովուրդների ցանկը, որոնք պատմականորեն ապրել են Ռուսաստանի տարածքում Ամենաընթերցվողը բաժնում | Տոնոյան․ Եթե երկրի ղեկավարը կախիչների որակը զննելու ժամանակ ունի, թող նաև հրթիռները «զննելու» ժամանակ գտնի Ըստ նրա, զննության արդյունքներով հօդս են ցնդել հրթիռներին տրված «անորակ», «անպիտան» և «ժամկետանց» որակումները Կիպրոսի Ներկայացուցիչների պալատը հարգել է Հայոց ցեղասպանության զոհերի հիշատակը Կուլիասը նշել է, որ ապրիլի 24-ին ոգեկոչվում է Հայոց ցեղասպանության «սև տարելիցը» Փաշինյանը ԵԱՀԿ ՄԽ Ֆրանսիայի համանախագահի հետ քննարկել է տարածաշրջանային հարցեր Քննարկվել են Հայաստան-Ֆրանսիա համագործակցության հետևողական զարգացմանը վերաբերող օրակարգային հարցեր Ադրբեջանցիները քանդել են Շուշիի Կանաչ ժամը Արբանյակային լուսանկարները հաստատում են, որ եկեղեցին ոչնչացվել է 2024 թվականի փետրվարին |