ԱԳ նախարար. Արցախի հիմնահարցը լուծված չէ, կարգավիճակի առանցքային հարցը կա28 հունվարի 2021 - 14:27 AMT PanARMENIAN.Net - Արցախի հիմնահարցը լուծված չէ, հիմնական առանցքային հարց կա՝ կարգավիճակի հստակեցումն է, դրա մասին խոսել են նաև Մինսկի խմբի համանախագահ երկրները, հայտարարել է արտաքին գործերի նախարար Արա Այվազյանը, փոխանցում է «Լուրերը»: «Տարածաշրջանում կայունության ու խաղաղության մասին խոսելուց առաջ պետք է ստեղծվի նախ վստահության մթնոլորտ: Այն ստեղծվում է շատ կարևոր հարցերի լուծման պարագայում՝ նախևառաջ մեր գերիների ազատ արձակման դեպքում: Ադրբեջանը պետք է հասկանա, որ սա հումանիտար հարց է, և եթե շարունակի շահարկվել, վստահ եմ, որ այն լինելու է նաև Ադրբեջանի համար խնդրահարույց»,- ասել է ԱԳ նախարարը: Այվազյանի խոսքով՝ կա միջգերատեսչական աշխատանքային խումբ, որն ամենօրյա ռեժիմով աշխատում է գերիների վերադարձի համար, իսկ հայկական կողմից միջազգային ճնշումն օրեցօր աճում է: Նախարարն ասել է, որ ՄԽ համանախագահները և համանախագահ երկրների ԱԳ նախարարները նշում են՝ կան առանցքային հարցեր, որոնք պետք է հասցեագրվեն, և այդ հարցը ԼՂ կարգավիճակի հստակեցումն է: «Օրերս համանախագահները հանդիպում են ունեցել, ակնկալում ենք առաջիկայում նրանց այցը տարածաշրջան: Եթե մենք խոսում ենք տարածաշրջանում կայունության և խաղաղության մասին, պետք է ընդհանուր ըմբռնում լինի: Տարածաշրջանը չպետք է ունենա հաղթողներ և պարտվողներ: Պետք է լինի արժանապատիվ խաղաղություն»,- ասել է Այվազյանը: 44 օրյա պատերազմից հետո Արցախը տարածքային կորուստներ է ունեցել, Հայաստանն ու Ադրբեջանը Մոսկվայի միջամտությամբ պատերազմի դադարեցման եռակողմ հայտարարություն են արել ու տարածաշրջանում տրանսպորտային ապաշրջափակման մասին փաստաթուղթ ստորագրել: Հայ ռազմագերիների վերադարձի հարցը, որը պատերազմի դադարեցման հայտարարության կետերից մեկն էր, դեռ լիարժեքորեն չի կատարվել: Պատերազմից հետո գերիների 44 հոգանոց մի խումբ արդեն վերադարձել է ՀՀ: Հայտնի է, որ նոյեմբերի 10-ից հետո 60-ից ավելի կամավորական է գերեվարվել, մյուս ռազմագերիների մասին պաշտոնական տեղեկություն հայկակն կողմը չի տալիս՝ նաև նրանց անվտանգությունից ելնելով: Ուշագրավ Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Դեսպանը նաև հրապարակել է Politico-ի հոդվածը «Thales» ընկերության ֆրանսիական ռադարների մասին Ամենաընթերցվողը բաժնում | Թրյուդո․ Պետք է հիշենք և հարգենք Հայոց ցեղասպանության զոհերի հիշատակը Նա նշել է, որ Կանադայում ապրիլը համարվում է Ցեղասպանության, հիշատակի, դատապարտման և կանխարգելման ամիս Թուրքիայի ընդդիմադիր DEM կուսակցությունը ոգեկոչել է Հայոց ցեղասպանության զոհերի հիշատակը Ոգեկոչման ակցիան ուղեկցվել է ցեղասպանության զոհ գնացած հայ մտավորականների լուսանկարների ցուցադրմամբ Թուրքիայի ԱԳՆ-ն դժգոհել է Հայոց ցեղասպանության մասին տարբեր երկրների հայտարարութուններից Թուրքիայի ԱԳՆ-ն կոչ է արել «բոլոր կողմերին սատարել համատեղ պատմական հանձնաժողովի ստեղծման առաջարկին» Մայր աթոռում Հայոց ցեղասպանության նահատակների ոգեկոչման արարողություն է եղել Հավատացյալների խոնարհումի համար դուրս էր բերվել նաև Հայոց Ցեղասպանության սրբոց նահատակաց մասունքարանը |